Video
Read full review
2023-07-06
591 views
細妹推介將軍澳一間高質火鍋話好正，點都要帶我去試吓，「湊湊火鍋‧茶憩」裝修以深色為主，好有格調，昏暗燈光十分有氣氛，全部獨立卡座，枱與枱之間特別間開，私隱度高，可以同朋友盡情嘆美食。自助吧枱有成十多款醬料選擇，有啲仲係比較冷門嘅醬料，餐廳提供咗唔同嘅醬汁配方俾客人可以跟住混醬。我就跟咗古典調味：菇菌醬、醋、香蔥末、香油。仲有滷肉飯、生果、中華沙律，一定要攞香辣魚皮，切得幼條，煙靭彈牙，辣辣地充滿麻油香，好惹味，encore之選。呢度杯茶好香，店員話出面無得賣，喺餐廳自己調配，叫淨山紅茶。Menu排版似飲食雜誌，鍋底名改得過癮，我哋想試一款辣一款唔辣，所以叫咗鴛鴦鍋。➰勵志鍋~臺式麻辣鍋 (鴛鴦鍋) $138材料十足，有紅棗、枸杞，無得揀大小辣，麻辣得嚟唔會辣到食唔到，鴨血彈嫩多汁，豆腐入味，最正係無限追加，非常滿足。➰食妝鍋~紅顏花膠雞鍋 (鴛鴦鍋) $138湯底勁熱，濃郁稠身，直頭成個湯羹，足料煲，有鮑魚、花菇、雞肉、野米、仲有大大件花膠。打邊爐前先飲啖靚湯，啖啖雞精華，滿滿膠質，直頭覺得漿住個嘴，勁正！飲完都感覺美顏咗。➰荔枝蝦球 $68造形吸引但完全無荔枝成份，咬開紅色皮見到白色
香辣魚皮
10 views
0 likes
0 comments
仲有滷肉飯、生果、中華沙律，一定要攞香辣魚皮，切得幼條，煙靭彈牙，辣辣地充滿麻油香，好惹味，encore之選。
呢度杯茶好香，店員話出面無得賣，喺餐廳自己調配，叫淨山紅茶。Menu排版似飲食雜誌，鍋底名改得過癮，我哋想試一款辣一款唔辣，所以叫咗鴛鴦鍋。
臺式麻辣鍋、紅顏花膠雞鍋 (鴛鴦鍋)
8 views
0 likes
0 comments
材料十足，有紅棗、枸杞，無得揀大小辣，麻辣得嚟唔會辣到食唔到，鴨血彈嫩多汁，豆腐入味，最正係無限追加，非常滿足。
➰食妝鍋~紅顏花膠雞鍋 (鴛鴦鍋) $138
湯底勁熱，濃郁稠身，直頭成個湯羹，足料煲，有鮑魚、花菇、雞肉、野米、仲有大大件花膠。打邊爐前先飲啖靚湯，啖啖雞精華，滿滿膠質，直頭覺得漿住個嘴，勁正！飲完都感覺美顏咗。
荔枝蝦球
12 views
0 likes
0 comments
造形吸引但完全無荔枝成份，咬開紅色皮見到白色肉，真係好似荔枝。表面炸得脆，蝦球爽口彈牙，口感似去飲嘅炸蟹鉗。
美國特級牛小排
7 views
0 likes
0 comments
➰美國特級牛小排 $228
油花分布平均，入口柔軟，好多旺菜墊底，可以唔使另外叫碟菜都夠食。
烏雞肉卷
11 views
0 likes
0 comments
都聽過係近年火鍋興食烏雞肉卷，自己就第一次試，一片片幻彩大理石花紋，係將雞肉壓成再刨薄片，口感有點嚼勁。
鵝腸
4 views
0 likes
0 comments
➰鵝腸 $78
用3個小藤籃裝住，應該係冷凍加工過嘅鵝腸，口感都爽脆。
大紅袍珍珠奶茶、雲朵絲絨茉香茶
4 views
0 likes
0 comments
➰大紅袍珍珠奶茶 $29
最鍾意佢呢度嘅台式飲品都可以選擇走甜，大紅袍茶香濃，珍珠夠煙韌，重量級夠晒大杯。
➰雲朵絲絨茉香茶 $29
連奶蓋都可以走甜，飲到茉香茶原低嘅濃澀味，又係巨大杯，呢個價錢好抵飲。
➰海鹽柳橙沙冰
食緊熱辣辣嘅火鍋途中，會送上細細杯冰凍嘅沙冰，有少少鹽味吊返個香橙味，超fresh呀。
➰大紅袍蜜桃茶凍
最後仲有甜品送，茶凍感覺非常水潤，低甜，茶味濃郁，有蜜桃果香。
臨走前餐廳仲會送每位客人一份麻辣鴨血豆腐，好似伴手禮一樣，好有驚喜，返到屋企仲可以俾屋企人品嚐一吓，果然無介紹錯。食物質素、環境、服務都高質，唔怪之得咁多人幫襯，想食就最好book位，不過就有限時，如果可以坐耐啲就更加好。
#湊湊火鍋‧茶憩地址；將軍澳澳南海岸唐俊街23號MONTEREY Place地下G17號舖
Post
