Video
Read full review
2016-07-07
414 views
因為朋友生日，搵咗尖沙咀呢間酒bar聚一聚。由門口行入去，感覺好似穿越時空咁！近年，手工啤酒興起，趁著今晚同朋友一齊，我都要叫返一支試吓。細心嘅朋友話我飲唔慣啤酒，介紹我飲 ”Samuel Smith Organic Raseberry Fruit Ale” 。呢支酒嘅色澤同Raseberry一樣紅，充滿紅果風味，飲落口帶少少果酸味道，好似飲果汁咁，當酒到達喉嚨先會出現一點點嘅啤酒味，非常易入口，啱曬我！Fish & Chips ($118) 其實正字正確係Fish & Onions先真！因為侍應話無曬薯條，問我哋介唔介意要洋蔥圈。其實我哋不知幾開心，因為洋蔥圈比薯條更有酥脆口感，炸過嘅洋蔥亦有一種獨特嘅香甜味道；至於炸魚，超大塊，仲大過我隻手呀！魚肉雪白又嫩滑，加上外皮嘅炸粉漿非常薄身，咬入口香脆之餘唔會覺得油膩，點埋他他醬一齊食，真係堅好味！Fried Spicy Chicken Wings ($98) 雞翼醃得非常入味，配合黑椒、香草及辣粉，更能帶出炸雞翼嘅香口惹味。 雞肉亦好嫩滑，食唔出有雪藏味，值得加分！如果呢個價錢，額外多2隻雞翼，會更加抵食。Potato skin, Ba
近年，手工啤酒興起，趁著今晚同朋友一齊，我都要叫返一支試吓。細心嘅朋友話我飲唔慣啤酒，介紹我飲 ”Samuel Smith Organic Raseberry Fruit Ale” 。呢支酒嘅色澤同Raseberry一樣紅，充滿紅果風味，飲落口帶少少果酸味道，好似飲果汁咁，當酒到達喉嚨先會出現一點點嘅啤酒味，非常易入口，啱曬我！
Fish & Chips ($118) 其實正字正確係Fish & Onions先真！因為侍應話無曬薯條，問我哋介唔介意要洋蔥圈。其實我哋不知幾開心，因為洋蔥圈比薯條更有酥脆口感，炸過嘅洋蔥亦有一種獨特嘅香甜味道；至於炸魚，超大塊，仲大過我隻手呀！魚肉雪白又嫩滑，加上外皮嘅炸粉漿非常薄身，咬入口香脆之餘唔會覺得油膩，點埋他他醬一齊食，真係堅好味！
Fried Spicy Chicken Wings ($98) 雞翼醃得非常入味，配合黑椒、香草及辣粉，更能帶出炸雞翼嘅香口惹味。 雞肉亦好嫩滑，食唔出有雪藏味，值得加分！如果呢個價錢，額外多2隻雞翼，會更加抵食。
Potato skin, Bacon & Onion ($68) 薯皮即叫即焗，待應上菜時已經噴到香味，熱辣辣嘅薯皮鋪上火腿、洋蔥及芝士， 非常吸引！由於有芝士，食起黎有少少拉絲嘅效果，好似食mini pizza咁。 食一口焗薯皮，再飲一啖手工啤酒，爽呀！
老實講，呢間酒bar除咗食物有水準外，仲提供飛標機，啱曬貪玩嘅我哋。朋友仔好投入玩……
最後，要讚呢間酒bar，因為佢免收切餅費。我哋食完、飲完又吹吓水，已經差不多兩個鐘，最後仲切埋蛋糕先離開。一個愉快嘅晚上！
Post
