Amour Corner (Closed)

睇返相發現前排食左間唔錯既餐廳。果日同老公0係旺角買完野，附近四圍睇下有咩食，就比我地見到呢間都幾有格調既西式小店。店員招待算熱情，入內後見到裝飾唔算太新淨，但都有下心思，氣氛幾浪漫。食物方面，最吸引我既係價錢貼地既二人餐同甚有睇頭既海鮮籃。《海鮮拼盤》生蠔有四隻，味道清甜但肉質唔夠爽滑厚實，不過不失。鮑魚爽口彈牙，好新鮮。大頭蝦亦好鮮甜又多汁。《頭盤兩點》二人餐每人有兩款頭盤，分別係鵝肝多士同埋Parma Ham蜜瓜。鵝肝好厚好大件，d油滲哂出黎落多士表面，好juicy。鵝肝剛剛好煎香，好香口，味道同口感都好rich。Parma Ham來貨唔錯，配清甜蜜瓜，好開胃。《餐湯沙律》呢部分無咩特別，都係基本野，無咩驚喜又不失水準。《香草煎封羊架》羊架好大件，足三件，薯蓉伴碟，非常有睇頭。羊架生熟程度剛好，表面香脆，裡面肉質依然好嫩滑。火候方面，大廚做得確係唔錯。另外羊架本身來貨靚，有好香羊肉味，配埋少少香草一流。《黑松露菌意大利飯》意大利飯炒得唔錯，軟硬剛好。而且醬汁好均勻，沾滿飯面。醬汁方面有忌廉同牛奶味，亦有黑松露香。如果能夠加入少少雜菌碎，混入飯中增加口感就更好了。二人餐成個好豐富，