Bondi (Closed)

朋友帶路，行下行下，轉入工廠，我即刻心諗：「唔通又黎到工廠大廈有驚喜嘅時間？」一入打開Bomdi大門，果然！工廠大廈又收埋咗間咁有格調嘅西餐廳！ 我地叫咗set dinner, 都幾豐富！ 先黎有餐湯同餐包！ 兩個湯都好香濃、好creamy！ 蘑菇湯仲有細細粒蘑菇蓉，飲落口特別香！ 再黎係前菜，我地叫咗炒野菌！ 野菌牛油炒至乾身，但係又唔會太乾，咬落去都仲好juicy，充滿野菌嘅精華！ 另外，前菜仲有碟蔬菜，正呀，好健康！ 跟著我地想再健康啲😂仲叫咗碟意大利風乾火腿巴馬臣慕士沙律！ 風乾火腿份量都幾多，包住啲沙律菜再拌啲慕士食落又唔會好咸！煙肉忌廉汁焗蠔- 蠔都幾大隻，肥美！加埋煙肉同忌廉汁又唔會搞到太膩，唔錯！ 海鮮黃薑意大利飯- 話到明海鮮risotto, 海鮮又確係唔會馬虎！ 有大蝦、青口、同埋魚塊！ 個飯煮到岩岩好，唔會好生好硬，而係相當creamy，索哂海鮮同黃薑嘅精華！ 主角黎啦！ 草飼肉眼扒配自家燒汁- 肉眼扒大大塊，底下仲有紫薯，正呀！ 塊扒煎得岩岩好，唔會乾，相當juicy，仲有啖啖牛香味！ 飲品同甜品就叫咗抹茶Latte同埋提拉米蘇！ 杯Latte 賣相幾靚，飲落唔