Mr. Steak Buffet à la minute (Moved) New Location

又黎食啦~ 我同好友差唔多每兩個月就會黎MR STEAK 度食一次，因為我地都好喜歡佢既鵝肝。上次黎既時候店員認得我地係忠實FANS, 免費有一杯FREE DRINK 添! 今次端午節正日黎，人果然較平時既周六為多~我地之前都係BOOK 7點半果場，準時到都未試過好似今次咁要排大長龍~ 餐廳要差唔多7點7、8先放人入去...好彩都算入座得快。入到去坐低，由於生蠔同埋魚生人太多，今次先食熱食。熱食有紅酒燴牛尾、海南雞、冬蔭功海鮮等，款式唔多，味道一貫水準。燒物都好食，有天婦羅、燒螺 (唔太新鮮)、燒蝦等，和牛今晚水準一般。食完熱盤，番轉頭食冷盤。佢既煙三文魚不嬲都好好味，今次都唔例外；仲有個南瓜蓉蝦都唔錯~食完之後，的起心肝去魚生度排隊~ 師傅比既三文魚好誇張~ 好大塊，大到要轉彎先擺到，口感十足! 鮮味就一般...我食左兩塊已經好似平時食壽司既八塊! 多得很~~跟住，就係我地既主菜─ 鵝肝!! 真係好~好~食~呀~~~ 每次黎既水準都係一致! 好好食~~~~ 以佢既價錢，我地都覺得好合理。可能人多既關係，今次被安排坐係兩檯既中間，有少少迫，同埋，講野好應聲，變左無乜機會談心，只係食食