Hiring
51
31
15
Level3
78
0
又黎試大閘蟹餐
2008-10-31 32 views
上次去左美心試佢嘅大閘蟹餐, 見到翠園都有, 咁就梗係約埋朋友黎試下啦. 翠園個餐308, 基本都有一隻大閘蟹同蟹粉小籠包, 其餘嘅餸就同美心有d出入. 先黎左個前菜, 蜜汁叉燒伴火箭菜. 叉燒每人兩小件, 幾滋味. 火箭菜好新鮮, 加左少少sauce, 好開胃. 之後黎左個蟹粉翅, 呢個份量好足, 蟹粉好香之餘, 翅又好多, 呢個翅令我覺得個餐好抵食. 蟹粉小籠包原個小蒸籠上, 好別緻. 今次湯汁多左好多, 100分. 果隻五兩半嘅蟹, 雖然都好好, 不過可能係上次係美心食嘅太出色啦, 所以點都係覺得今次唔夠上次好. 隻蟹都幾多羔, 肉就一貫嘅鮮甜. 之後再黎個蒜香蒸銀鱈魚, 呢個又係原個小蒸籠上, 魚蒸得好滑, 不過個人覺得蒜香太勁, 蓋過左d銀鱈魚嘅魚鮮味. 食完大閘蟹, 驅寒嘅薑茶當然唔少得. 而個八寶湯圓更為呢個美好嘅飯局作結.
Read full review
上次去左美心試佢嘅大閘蟹餐, 見到翠園都有, 咁就梗係約埋朋友黎試下啦.

翠園個餐308, 基本都有一隻大閘蟹同蟹粉小籠包, 其餘嘅餸就同美心有d出入. 先黎左個前菜, 蜜汁叉燒伴火箭菜. 叉燒每人兩小件, 幾滋味. 火箭菜好新鮮, 加左少少sauce, 好開胃. 之後黎左個蟹粉翅, 呢個份量好足, 蟹粉好香之餘, 翅又好多, 呢個翅令我覺得個餐好抵食.

蟹粉小籠包原個小蒸籠上, 好別緻. 今次湯汁多左好多, 100分. 果隻五兩半嘅蟹, 雖然都好好, 不過可能係上次係美心食嘅太出色啦, 所以點都係覺得今次唔夠上次好. 隻蟹都幾多羔, 肉就一貫嘅鮮甜.

之後再黎個蒜香蒸銀鱈魚, 呢個又係原個小蒸籠上, 魚蒸得好滑, 不過個人覺得蒜香太勁, 蓋過左d銀鱈魚嘅魚鮮味.

食完大閘蟹, 驅寒嘅薑茶當然唔少得. 而個八寶湯圓更為呢個美好嘅飯局作結.
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$360 (Dinner)
Recommended Dishes
  • 蟹粉翅
  • 蟹粉小籠包
  • 薑茶