台灣麵 (Closed)

第二次黎食，今次影下個門面俾大家認下，喺始創B1落電梯右手邊。入面既裝修依然覺得美美的。除左台式野，仲有d中式小炒，哩份套餐包飯同湯，係紫菜湯，夏天飲最岩，而且都好特別，出面少送紫菜湯。甜酸醬超開胃呀，魚塊食落最方便，啖啖魚冇骨，好開胃，個套餐$62。上次試左牛肉麵，今次試三寶麵，都係加多幾蚊。粗麵條好掛湯，而彈牙，牛肚、牛跟我都好中意，好入味吸引個湯汁，牛腩亦好林唔太瘦。仲有唔少酸菜，撈麵食超正！今次黎到見到有唔少小食可以優惠價加黎食。炸腐皮蝦卷係encore叫黎食，超好味，唔會好油，勁脆個皮。紅油抄手第一次試，都幾辣幾過癮，皮薄多肉，$42係試得過既。