和氣食堂 (黃大仙中心南館)

Open Now

Now Closed

幾個月前同男朋友食過，覺得價錢公道食物質素高，所以就再來encore！我哋係星期四放工之後去食，6點幾已經差唔多坐滿，生意真係好好！呢個香芒燻鴨胸沙律好大碟，上次食完覺得個芒果嘅甜同鴨胸嘅煙燻香其實好夾，加埋上面淋咗嘅黑醋好開胃，甜酸甜酸，就算係咁大碟都食得哂！跟住有呢個大蜆味噌湯，裹面有豆腐粒同蜆，d蜆算正常size，不過最緊要鮮甜，而且唔可以有沙；味噌湯唔會好鹹，係正常水準。身為食肉獸嘅我哋點會唔叫多d肉呢？呢個鐵板霜降一口牛粒就滿足到我哋！d牛真係好重肉味，有洋蔥令d肉更香，連平時唔食洋蔥嘅男朋友都讚不絕口，就連旁邊d菇都要食哂！講咗咁耐終於到主角出場！係大盛刺身丼！你見入面d刺身真係好新鮮，最鐘意係蝦，d蝦膏好正好濃郁；帶子都鮮甜，肉質厚實；魚生有油香味。我同男朋友share都好夠食！燒三文魚皮又係我哋再encore嘅野！鐘意香口野真係唔可以錯過。魚皮薄薄一片，好香脆，又有魚香。最後食埋呢個紅豆matcha+milk ice cream真係好滿足，個人認為奶味可以再濃一d，不過matcha個邊就出色好多，唔會係好甜嗰種。