西苑酒家

Open Now

Now Closed

一直聽講西苑燒味非常出名，今次約埋朋友去利園總堂試吓。 門面及堂面裝修非常傳統，好合適帶外國朋友一試本土燒味。先先介紹嘅有大哥叉燒，溫馨提示大家訂位時記得預留。入口好軟好林身，半肥瘦叉燒。非常好食，再叫一碗白飯溝汁就一流。燒鵝，香港搵燒鵝唔難，但要好食就有難度。依度嘅燒鵝，唔算最好食，但銅鑼灣來講算唔錯嘅選擇，一定比鏞X好。侍應介紹湯水，木瓜燉豬展，唔算太貴所以試下。 味道一般。好出名嘅蝦醬炒生菜，侍應喺你面前即炒，但好咸一定要送飯。最後一定要叫埋楊枝甘露做甜品，喜出望外嘅味道非常好食。比出面糖水鋪更好。