Video
4-min walk from Exit F1, Causeway Bay MTR Station
continue reading
Telephone
28822110
Good For
Group Dining
Opening Hours
Today
11:00 - 23:30
Mon - Sat
11:00 - 23:30
Sun
10:00 - 23:30
Public Holiday
10:00 - 23:30
Above information is for reference only. Please check details with the restaurant.
🐑爵士湯，係西苑呢度嘅招牌靚湯，材料有蜜瓜、花膠、螺頭、雞腳、老雞、赤肉、沙參，材料豐富，由於有蜜瓜，所以個湯份外清甜，必點👍🏻。🐑蝦子柚皮，要做好呢味餸，工序繁複，甚為費時，首先要出水及揸水多次，務求去除柚皮嘅苦澀味，再用油炸，炸鬆佢啲纖維，又要再蒸，進一步將佢蒸腍。後續就係用上湯炆煮，讓其入味，最後上碟時打個上湯蠔油獻，加埋蝦子就完成。西苑嘅蝦子柚皮相當有水準，絕對沒有任何苦澀味，柚皮鬆而化，上湯入晒味，加埋蠔油獻同蝦子呢個汁，真係要叫碗白飯撈撈佢先得，千祈唔好浪費。🐑蟹肉燒茄子，新鮮拆蟹肉，鮮味無比，滲晒入個煲仔菜裡面，冇得呃，加工淡淡紹酒香，令成個煲仔味道昇華。另外，食蟹唔使自己動手剝殼，簡直係懶人嘅福音。🐑晚飯奉送紅豆沙，陳皮味足，夠起沙，唔係好甜，啱我口味。
continue reading
上星期六，九位收了$19,595 @$2,177。大哥义燒是該店名菜，因成龍喜歡吃而命名，但很普通。海蜇，似即食包裝拆出無調味。花膠爵士湯，原是鄧肇堅家傳名菜，可惜一點粘口也沒有，湯料見雞腳一大堆，但非常水稀狀。原隻三頭鮑海蔘扒，三頭鮑的芡汁無論色澤和質地都跟標準大有差距。蔘扒更是鬆散。蟹肉桂花炒魚翅，蟹肉是碎的，無鮮味無咬口,沒有桂花味，只有蛋碎。龍蝦的煎米餅淋身無香口。清蒸黃皮老虎斑，魚是夠大的，但過熟了，浪費掉。當紅脆皮雞，皮是脆的，但肉超鞋口，幾乎整碟無人掂。香港名人飯堂沒落了。
continue reading
公司搬咗去銅鑼灣，第一日返新 office，成 team 同事就落樓下嘅「西苑酒家」飲茶慶祝。餐廳位置隱密，外人未必容易發現，但中午依然全場爆滿，人氣可見一斑。我哋點咗蝦餃、燒賣、燒腩仔等經典點心，質素唔錯，蝦餃皮薄餡靚，燒腩仔皮脆肉香。不過最好食係糯米飯，香口鬆化，餡料足夠，唔會太濕亦唔乾，食完有驚喜。餐廳裝修高雅，座位舒適，服務到位，感覺係一級食府。每位平均消費約$250，對比以前喺牛頭角飲茶一百蚊左右，確實貴咗唔少。不過環境、食物、服務都有水準，偶爾食一餐都值得。
continue reading
2024.10.24 星期日 11:00係利園嘅西苑飲茶啦，初初都幾好嘅。後來覺得椒鹽九肚魚個味怪怪地，就唸著同侍應講啦。有個短頭髮嘅黑衫經理睇到當無睇到，直接行開咗。我又等咗好耐都無侍應過嚟，我就直接過去搵個短頭髮黑衫經理，同佢講咗之後，佢叫我等一等等咗10幾廿分鐘都無嚟。我覺得真係有啲過分囉。最後唯一位黑衫戴眼鏡嘅經理攞咗盤，椒鹽九肚魚退咗單。雖然事情得到解決，但係果位短頭髮女經理嘅做法令成餐飯都食得唔開心。
continue reading
10多年前很喜歡這間酒樓，但後來因為水準下降及職員態度差，又唔乾淨多年來冇去。今日去開附近打算再俾一次機會，星期六12:30行入來竟然有位，雖然心知不妙，都決心再試一下。食過佢嘅點心發覺未達標準。可能呢排經濟差，職員態度已經好咗好多，但係枱下發現有食物。叉燒包OK，蓉包皮太厚餡又唔多，燒賣係最高分嘅。燒乳鴿的肉有少少霉嘅感覺，味道亦普通。鮮竹卷好像蒸了很久的感覺，好皮好韌。脆善$198咁細碟，而且水準普通，因為像屋企水準，肉係脆嘅，但係味道同鬆化度都不夠。
continue reading