龍門大酒樓 (Closed)

今日自己一個食飯，想起龍門將臨結業加上從OR知道它有售賣飯盒，一於行去買個試下。我唔知「掟」，一去到就直入酒樓，阿姐明明見到我，招呼都唔打就一定啦，但佢見我個樣咁無助都唔理，忍功非常了得。最後我係旁邊的點心檔見到師傅，立即求救，呵呵，點知原來燒味部係隔離，我真係大鄉里。燒味部一大陣「噏」味，有個大概年過60的大嬸坐係收錢機前收錢，食飯黃金時間竟然空無一人，我order了我一向的心水雙拚，叉燒油雞飯（多豉油）。係office打開飯盒，整體賣相都唔錯，叉燒切得整齊而且見到D麥芽糖閃令令，食一啖試下，啊，都算唔錯，可惜多食幾舊發覺麥芽糖味唔夠，香甜不足，豬肉更有「蘇」味。坊間盛讚的炭燒叉燒，炭燒味一D都食唔出，莫非已經停止供應？反而油雞相比之下較出色，並無一般雪雞的問題例如肉質偏軟，過肥過油等等，鹹味適中，不過當然無咩雞味啦！總括黎講，我覺得龍門燒味部跟「叉燒一哥」呢個美譽還有一段距離，係灣仔想食靚燒味仲有好多選擇。BTW，我個飯無加豉油呀！