叉燒大王

Open Now

Now Closed

收工約咗朋友去沙田行下宜家傢俬，睇野之前當然周圍搵下有咩美食，係河畔花園附近開左好多餐廳仔，主要都係做街坊生意，通常邊間餐廳門口最多人排隊等位，就知道一定好好食啦， 我地兜咗個圈，最後揀左"叉燒大王" ，香港地道美食燒味！燒味之中，我自己最鍾意食既就係叉燒，鍾意佢甜甜的蜜糖汁。特選蜜汁叉燒王 $88雖然叫例牌，但份量絕對唔惹少，件件都係厚切。 賣相唔錯，有光澤，帶少許燶邊，食落有焦香味。肥瘦一層層相間，入口肉味香濃。蜜薯牛仔粒 $88薯仔同牛肉好夾，切到一口一粒，方便食。 薯仔趁熱食，剛炸起又脆又甜， 薯仔味道香濃，相當味。牛仔粒口感軟淋，只有兩三嚿食到有根。客家胡椒浸釀豆卜 $68好似胡椒豬肚湯的味道，胡椒香辣相當暖胃，但略嫌有點過鹹。豆卜索曬啲湯汁，在口中爆汁，正。