沾麵真中 (Closed)

見岩岩有位, 就入去試試呢間拉麵同沾麵. 價錢比同區貴少少. 款式都算多.- 叉燒拉麵 ($82) :叉燒係五花腩, 浸係湯度冇甘焦香, 但都入口軟淋, 唔使點咬.麵身係幼身, 配拉麵岩岩好. 湯底揀左濃味, 但都唔濃郁, 也不太咸.糖心蛋唔係好流心, 幸好有蛋黃香. - 真中叉燒沾麵 ($98) :麵身比較粗身, 因為配較濃味既湯. 麵可以揀100g, 200g, 300g (一樣價錢), 女仔揀200g 已經飽肚.另外, 麵可以揀凍食/熱食. 前者麵身較煙韌彈牙, 後者質感較軟淋.個湯比預期較咸, 但唔算好濃味. 沾麵食就岩岩好. 叉燒係五花腩, 微微焦香, 油香滿口.