炯記餐室 (美麗閣)

Open Now

Now Closed

放lunch 同同事去食飯，最後簡左炯記，好少可食燒味有得坐低，所以簡左堂食門口掛住既燒味好靚，所以被吸引左大熱天時，二話不說，即刻叫杯凍飲先！叫飯麵+$5至8就有杯飲品。鹽焗雞腎唔算好咸，好爽口！手撕雞腸粉腸粉係熱既，食落好滑，加埋甜醬同蔴醬，絕配，好味！煙薰燒鵝拼蜜汁叉燒飯燒鵝燒得好靚！啲皮漲卜卜，皮下有一層油香，微微煙薰味，又唔會太膩，好好食！叉燒賴賴粉軟硬適中，好爽口彈牙！蜜汁叉燒係用左五花腩，半肥瘦，所以食落好稔。加埋個邊既蜜汁甜甜地，又有少少焦香味，無得彈，好好食！一間唔錯既燒味餐室，有水準，價錢唔貴，好過連鎖店既燒味飯好多！會再幫襯！