敏華冰廳 (荃錦中心)

Open Now

Now Closed

平時好少嚟荃灣，今日因為工作需要嚟咗。諗住好快咁食個lunch，經過呢間敏華冰廳見到外面個招牌暗然銷魂好吸引咁樣，而且係咁多間餐廳之中唔使等位嘅一間，於是就入咗去啦。餐廳都算好大，每張四人枱中間都放咗一塊紙板間開，所以空間變咗非常細，食飯低頭嘅時候，頭幾乎要撞到塊紙板。Anyway，我趕時間所以馬上點了一碟招牌暗然銷魂飯$52，即是叉燒蛋飯。有三舊厚切叉燒，肥瘦適中，肉汁鮮甜。外皮有少少烤焦，幾香口。我又覺得唔係好暗然個隻。至於隻蛋，我期待佢會係流心嘅，但篤開嗰一刻失望左，蛋黃好似唔見左，只係見到少少蛋黃融合蛋白，中間係有半熟嘅，不過似係炒滑蛋d feel。$52 來講三舊叉燒有啲少，食完都唔係好夠飽。另外，留意到佢哋每日都有新鮮出爐嘅麵包，餐廳會有個計時器，到時候就會宣布有啲咩新鮮包出爐，感覺幾新鮮，下次會想試吓佢哋嘅麵包。