好叉好味 (港灣道) (Closed)

今日嚟咗呢度附近做嘢，餐廳選擇真係唔多。經過見到呢間外賣店，感覺上都幾企理，試吓囉！餐廳非常專一，餐牌得幾款食物，主打就係叉燒不過有啲比較創新嘅味道。我哋一人一兜飯再加一個小食。食物包裝唔錯，拎到返公司食個賣相都依然好好。我哋揀咗焦蜜叉燒菜飯。叉燒佢係切得比較厚身，食落口感唔錯。叉燒落咗好多蜜糖，味道偏甜，好啱我口味！咁多件叉燒都肥瘦均勻，食落唔會好乾好硬菜飯入面嘅小棠菜都好多，感覺都幾健康。小食咖喱墨丸都幾爽口，味道都唔錯！下次趕時間想食嗰快lunch，可以嚟呢度買外賣！