炯記餐室

Open Now

Now Closed

去開長沙灣買嘢，肚餓就喺附近求其搵一間舖頭食嘅，見到呢間門面都幾光猛，仲有啲牛角包好似幾吸引，就入咗去試。腩叉牛角包牛角包焗得好酥脆，外面脆，裏面軟，仲搽咗好香牛油味，跟住夾左熱辣辣肥廋適中嘅叉燒，油香豐富，加上一啲生菜、醬汁，全部夾埋一齊食好正。我哋再每人叫咗一個特盛餐，有齊撈麵同埋手撕雞飯😆可以咩都試勻😋仲有跟一個老火湯添👍🏻牛魔王太子鵝油撈粗牛腩同埋牛肚都煮得超級入味，又淋又鬆化。粗麵爽口彈牙，撈埋鵝油有啲甘香咁樣，幾好食。太子鵝油叉燒撈粗撈麵就一樣嘅，但係叉燒嘅部份就唔係腩，所以油脂分佈冇咁多，食起嚟俾牛角包嗰啲叉燒冇咁有油香同埋冇咁林。如果都用上叉燒腩會比較好。鹽焗/麻辣手撕雞飯雞肉大大嚿，啖啖肉，肉質ok，唔會話好嚡口。鹽焗手撕雞配上麻將，幾香。麻辣手撕雞麻辣味好惹味，辣辣地撈飯，幾開胃。