渝味曉宇重慶老火鍋 (聚賢逸居) (Closed)

我就係鍾意你站落西環、與世無爭，火鍋麻而不辣，迎合我口味。所以我係第三次到來。經過上次既唔愉快經驗，所以一入門口都抱有介心，但係又有COUPON既引誘，哈哈！所以我地都係乖乖坐低。 首先要讚下曉宇注意OPENRICE既食評，從而作出改善。就好似經理已經點左我地相，記得我地。都解釋番有咩不善之處，仲抽左好多時間講解佢地既運作啦，同埋火鍋既食法，例如落麻油係為左食辣既時候保護腸璧。 今次我地照簡魚頭湯，因為魚頭真係好好食！以為佢質量可能有參差，點知又冇，仲要一模一樣，你話死未？ 今次ENCORE既有兩款：羊肉 新嘗試有：薯粉非常有口感，唔好見佢得幾條，非常飽肚。 雞件同個湯底好鬼夾，雞件都係新鮮野，冇乜雪藏味。牛潤依個太腥，係第一樣棄食。如果唔抱著食豬潤既心態可能會好過Ｄ。 總括黎講，第一，員工態度比番信心我地，放心開心去食。第二，背後既團隊有睇番食客既COMMENT，而唔係話大集團就愛理不理。今次亦都樂而忘返，同經理有講有笑，非常有親切感。亦都因為咁，我同叮叮今次都食得非常開心，下次可以帶埋媽咪黎試下重慶第一麻辣鍋。