Running 燒 (Closed)

友人的生日，星期四晚上8點三個人入座慶祝。一出lift就好勁韓燒味，場內唔算好大，大概十幾張枱，但都全場幾乎爆滿。因為係任食關係，所以幾張點菜紙都各點少少試吓。為免浪費，餐廳一樣有標示食剩太多食物係需要收費。食物種類算多種，而且除酒類外，其他飲品都可以自取任飲。任食時限係2個鐘，其中食完會想再點的係雞腎。其他的食物質素都係中規中矩，不驚喜，亦無失望。去到尾聲時可以點一次甜品，幾款韓國雪條同糯米露。作為任食韓燒，食物同環境質素算合格，唯一意見係女廁的門鎖不太滑順先可以鎖上。