Video
Read full review
2015-02-08
1128 views
本來約咗幾個舊同事到大圍嘅楓林小館食晚飯，去到至知停電，唔知搞幾時先有番電，通知都無一聲，掃興之餘，搞到大家一齊摸門釘。匆匆轉場，好彩其中一個朋友都熟大圍，即時改去後街嘅「粵軒」，幸而時間尚早，唔使等位。粵軒賣嘅屬於傳統粵菜，但裝修格局較摩登，卻又無話喺咩豪裝，算喺平實嘅中菜小館。不過，較特別喺套餐具，無論杯、碗、碟都印上一啲唐詩，就好似碟上嘅幾句，取自詩仙李白嘅「將進酒」內幾句：人生得意須盡歡、莫使金樽空對月、烹羊宰牛且為樂，但感覺喺抽得隨意，亦唔連貫，至少，都加埋「天生我材必有用，千金散盡還復來。」啦！鹹脆腰果 $10餐前小食，鹹香脆口，總好過一啲青豆花生。而茶芥收$12位，另收加一就喺指定動作。正餐牌以外，有一個「廚師推介」，我們點咗豉椒炒蟶子皇及胡椒豬肚雞，以及是日燉湯西洋菜燉豬肺。另外，從正餐牌揀嚟陳皮煎藕餅及蠔皇鮑魚菇扒時蔬，我哋1男3女，非大食之人，所以，都夠食咯。西洋菜燉豬肺 $118是日燉湯，每晚限量發售，賣完就無。睇見湯渣就知幾真材實料，一大盅可以分到7碗，入口清潤，無豬臊味，怪不得都見幾多人叫。豉椒炒蟶子皇 $48 / 隻雖然我哋叫咗4隻，一人一隻，不過每隻炒完得
粵軒賣嘅屬於傳統粵菜，但裝修格局較摩登，卻又無話喺咩豪裝，算喺平實嘅中菜小館。
不過，較特別喺套餐具，無論杯、碗、碟都印上一啲唐詩，就好似碟上嘅幾句，取自詩仙李白嘅「將進酒」內幾句：人生得意須盡歡、莫使金樽空對月、烹羊宰牛且為樂，但感覺喺抽得隨意，亦唔連貫，至少，都加埋「天生我材必有用，千金散盡還復來。」啦！
鹹脆腰果 $10餐前小食，鹹香脆口，總好過一啲青豆花生。而茶芥收$12位，另收加一就喺指定動作。
正餐牌以外，有一個「廚師推介」，我們點咗豉椒炒蟶子皇及胡椒豬肚雞，以及是日燉湯西洋菜燉豬肺。另外，從正餐牌揀嚟陳皮煎藕餅及蠔皇鮑魚菇扒時蔬，我哋1男3女，非大食之人，所以，都夠食咯。
西洋菜燉豬肺 $118是日燉湯，每晚限量發售，賣完就無。睇見湯渣就知幾真材實料，一大盅可以分到7碗，入口清潤，無豬臊味，怪不得都見幾多人叫。
西洋菜燉豬肺
$118
59 views
2 likes
0 comments
豉椒炒蟶子皇 $48 / 隻雖然我哋叫咗4隻，一人一隻，不過每隻炒完得幾炷肉，但啲蟶子皇算有水準，肉質爽口，味道鮮甜，以豉椒炒，加添幾分惹味。
豉椒炒蟶子皇
$192
65 views
2 likes
0 comments
陳皮煎藕餅 $68一客有6件藕餅，藕餅搓得幾鬆化，煎得幾香，如果能將藕餅搓得扁平薄身啲，相信整件嘅口感仲香脆；另外，陳皮味似乎就無期望中咁強，好淡淡咁滲出。
陳皮煎藕餅
$68
72 views
2 likes
0 comments
蠔皇鮑魚菇扒時蔬 $68一般稱為時蔬嘅菜式，都無得揀咩菜，都喺由店方定，但晌粵軒，時蔬當日可揀西蘭花、生菜或芥蘭。芥蘭炒得仍帶爽脆，而鮑魚菇果真有幾分鮑魚嘅口感，蠔汁濃郁鮮味。
蠔皇鮑魚菇扒時蔬
$68
72 views
3 likes
0 comments
雖同樣貴為廚師推介，但覺得普通啲，雞肉唔滑，胡椒味弱。除雞件底下墊住唔少豬肚外，仲有唔少鹹酸菜及粉腸。
胡椒豬肚雞
$138
85 views
4 likes
0 comments
最後奉送生果，鮮橙幾件，即喺表示麻煩結帳。整體招呼唔錯，滔湯、收碟都做足，雖然出面人多等位，但都無話催交枱，我哋都醒目好合作，反正都預咗出去再食甜品。不知不覺，一份工作嘅偶遇，彼此原來相識十多載，可謂友情一線牽。
Post
