味十味 (Closed)

又係一間樓上日式 fusion。fusion 唔等於虛 &/or 偽，用餐當晚有好幾檯日本客人，餐廳內亦有日籍和日語流利的香港服務員。前菜，$20 / head，類似中式酒樓嘅芥醬，服務員奉茶時會端上。我哋三條女，點咗：串燒拼盤（$143）、豬肋骨蒜蓉飯（$138）、海苔豆腐沙律（$112）、鐵板牛舌（$138）、Crème Brûlée X 2（$46 X 2）、卷蛋蛋糕（$46）、梅酒 X 1（$28）、柚子橙蘇打 X 1（$42）、ginger ale X 1（$30）。埋單共 $911.9。話自己鐘意食白飯好似太古典太刻苦耐勞，如果有未來奶奶佢一定好歡喜，但呢餐的確最鍾意豬肋骨蒜蓉飯裡面嘅蒜蓉飯。好香，飯粒軟硬適中，好入味。好想買咗佢哋個電飯煲！其他嘢食都幾好，但唔會 wow 一聲。馳名大阪和風豬肉丸幾好味，燒洋蔥都好味。鐵板牛舌唔夠香。海苔豆腐沙律幾新鮮，對比其他菜式份量算非常多，3條女食剛剛好。最失色其實係甜品，留返 quota 食下其他甜品或者都係 good idea！最後，服務都幾好。