友麵館 (Closed)

今日打單泡，午飯未有着落，經過灣仔軒尼詩道「友麵館」，見它裝修都新淨，鋪面不大，故且一試，入內打開餐牌，主打係車仔麵，無論係配料，麵底和湯底，都幾多選擇，見它有招牌大碗麵，內有6樣配料，就要咗佢，麵底就一定係要油麵，湯底要牛骨湯，和多葱。無幾耐，大碗麵就到，原來係用煲上，慣例係先飲啖湯先，，啖湯幾甜，幾好味，跟着試油麵，都有d彈牙感覺，再試d配料，但發覺d料基本上是每款一蕉舊，無法試得好真，感覺上只是及格。值得讚是湯底有芽菜、韮菜和腐皮，豐富了湯底，平添了很多口感。不過招牌大碗麵係$38，感覺上，性價比有點兒不高