Video
Read full review
2016-05-04
19275 views
早前晌銅鑼灣試過一間好好食嘅韓式炸雞店，老友睇過小弟食評覺得好吸引，就話想搵日一齊試，不過，就佢方便關係，今次就唔過海，晌番九龍尖沙咀依一邊嘅Goobne Chicken，同樣喺城中有名氣嘅炸雞店之一，皆因佢喺韓國烤雞嘅領導品牌 。不過，真喺唔講得笑，除咗門口企滿人之外，入面都坐到爆 ，好彩老友早到幫手等位，但早到晚到都好，有位卻喺限時1.5小時，當然，兩個大男人，個半鐘幹掉啲嘢食綽綽有餘。講真，裡面其實感覺都幾逼，枱與枱之間排得頗密，無意間都會聽到隔離枱講嘅嘢，所以，嚟依間就喺開懷食食食！打開餐牌，最養眼唔喺啲烤雞，而喺姜素拉 ，由「異鄉人醫生」、「未生」開始睇佢，之後嘅「心情好又暖」，甚至近期嘅「鄰家律師趙德浩」，都覺得佢做戲唔錯。餐牌除食物外，仲有品牌介紹，其實門口招牌都睇到端倪，就喺佢哋推崇健康飲食文化，所以雞隻不經油炸，以烤焗方式製作，做到低熱量、低膽固醇、低鈉、無反式脂肪嘅烤雞，卻令雞肉又不失香脆、細嫩嘅口感 。揭頁式餐牌，印刷精美，而且圖文並茂，主打嘅勞雞一共有11款之多（$140-$178），此外，仲有多款韓食，如年糕、魚糕湯、炒碼麵、雞蛋卷、沙律……等等，選擇
不過，真喺唔講得笑，除咗門口企滿人之外，入面都坐到爆 ，好彩老友早到幫手等位，但早到晚到都好，有位卻喺限時1.5小時，當然，兩個大男人，個半鐘幹掉啲嘢食綽綽有餘。講真，裡面其實感覺都幾逼，枱與枱之間排得頗密，無意間都會聽到隔離枱講嘅嘢，所以，嚟依間就喺開懷食食食！
打開餐牌，最養眼唔喺啲烤雞，而喺姜素拉 ，由「異鄉人醫生」、「未生」開始睇佢，之後嘅「心情好又暖」，甚至近期嘅「鄰家律師趙德浩」，都覺得佢做戲唔錯。
餐牌除食物外，仲有品牌介紹，其實門口招牌都睇到端倪，就喺佢哋推崇健康飲食文化，所以雞隻不經油炸，以烤焗方式製作，做到低熱量、低膽固醇、低鈉、無反式脂肪嘅烤雞，卻令雞肉又不失香脆、細嫩嘅口感 。
揭頁式餐牌，印刷精美，而且圖文並茂，主打嘅勞雞一共有11款之多（$140-$178），此外，仲有多款韓食，如年糕、魚糕湯、炒碼麵、雞蛋卷、沙律……等等，選擇真不少。
韓式炒粉絲雞蛋卷 $148 餐牌上有兩款韓式雞蛋卷，分別在於一款有粉絲，另一款則無，同樣賣$148，當然心理上有粉絲覺得抵啲。一客切成10件，薄薄一層又一層嘅蛋皮包住紫菜、炒粉絲、火腿、酸瓜、甘筍，全部都喺手工嘢，有甜有酸，味道清新，有爽有脆，口感豐富，伴以芝士千島沙律醬，效果有驚喜 。
韓式炒粉絲雞蛋卷
$148
89 views
1 likes
0 comments
蜜糖咖喱烤雞 $168 要晌十多款烤雞中揀一款，實在唔容易，真喺反復推敲先揀到依一款，因為蜜糖襯咖喱，極少有嘅組合，好有沖擊感。金黃嘅烤雞，入口熱辣辣，外皮好脆口，雞肉好嫩，充滿蜜糖嘅甜蜜味，淡淡嘅咖喱又唔會太嗆喉，夾埋個蜜糖香，都幾襯。如果，再放多啲杏仁脆片就更合我心意喇 。
酸蘿蔔 餐牌就無特別話有啲涼菜送，不過，送上烤雞同時，亦奉送多一碟酸蘿蔔，一邊烤雞，一邊又食幾粒酸蘿蔔，既可消滯解膩，又可清清味蕾，實在貼心；原來，啲酸蘿蔔可以添加 ，皆因見到隔離枱嘅熟客都喺咁做。
飲品方面，偏向較多酒精類飲品，不過，唔想飲汽水咁普通，一樣有幾款無酒精嘅雞尾酒。不過，我哋不約而同揀咗帶有低濃度嘅「雞尾酒」飲品Rita系列。
Somersby Apple Rita $88 食烤雞真喺唔可以無杯冰凍飲品，今次試試店中嘅Rita系列。以Somersby嘅有氣蘋果酒逐漸混入梳打水中，感覺清新，蘋果甜味又清甜，而越飲酒精佔嘅比重就越多，不自覺就會覺得有半分醉意。
Shark Blood Rita $78 初頭，我哋都以為條鯊魚好似枝Somersby Apple Cider咁，裡面喺有啲酒精飲品，貪得意拎起佢，原來喺無嘢嘅，即喺杯嘢一早已溝好晒。味道唔知喺點，朋友講話甜甜哋，有啲酒味，但唔重，當喺飲杯有汽甜酒咁囉，但望落去海洋藍嘅外觀，感覺已令人煥然清爽。
烤雞的確唔錯，烤得出色，不過，啲韓式雞蛋卷更深得我心，仲有咁多款烤雞未試，值得翻兜再嚟 。
Post
