紐約客 (Closed)

同友人經過見裝修幾別緻幾吸引，略略睇過menu諗住試下😍其實環境真係唔差，影相係一流。影完環境開始睇食乜，發現有二人套餐同四人套餐，二人套餐選擇都多野食揀☺️我地就叫左呢個套餐，包括餐湯及甜品，野飲我地轉特飲可以每杯減10蚊🤔餐湯係蘑菇湯，味道唔差，唔會去到好稀，接受到🤔我地分別叫左冬蔭公海鮮炒麵，先講呢個粉，得個辣字，無冬蔭公味，話明海鮮，有青口仔，魷魚圈，帶子，蝦，不過重點又黎啦，青口仔可能處理唔太好，唔太好食，蝦同魷魚圈ok，帶子原來得一細粒，分完比友人就無了😢安格斯肉眼，我真係好失望，其實我本身好中意食，但係原來又un，好難食，又乾😓熱熔芝士薯條，都好食既，大眾化味，不過芝士偏少，仲有仲有個底好多濃既薯條，唔明點解可以咁😥飲品方面，叫左繽紛彩虹，有6隻味，薄荷，青檸綠茶，草莓，芒果，玫瑰，藍橘子，全部都太甜，得個靚字，最好飲係草莓，最難飲係薄荷，得個樣無實力。另外，反斗可樂，可樂沙冰再加枝可樂掉轉，最好飲咪呢個囉。影得濛左，總括，唔值得，唔好食。