銀座茶餐廳 (Closed)

今時今日講緊買一個麵包都要$7或者$00嘅時代，呢一間茶餐廳食個早餐竟然係$20 ，唔單只係抗通脹，簡直就係正式係反通脹。香腸、火腿、煎蛋好似仲有其他嘢不過已經唔記得咗，任你揀三樣野，連埋牛油方包一件再加一杯熱飲，如果方包烘底加$1，我就揀咗腸仔煎雙蛋，飲品就叫咗熱奶茶。食物質素正常啦，最唔正常就係呢一份早餐盛惠$20，我諗用個抵字都形容唔到呢一種震撼。咁嘅陣容出面$36-$38大有人在，咁抵食嘅茶餐廳真係要幫襯多啲。