Video
Read full review
2015-11-09
369 views
其實琴晚食完宵夜，朝早都仲飽緊，但照樣食早餐。今朝食左個三餸巨型三文治，依家都幾飽下，又唔知食咩好，是但係樓下食碗車仔麵算囉。對左姨姨同叔叔都六年幾七年喇，一向都覺得佢地好有禮貌、招乎周到、服務殷勤，真係 Very Good 架 ﹗生菜魚肉，搵勻幾條街只得一間生菜魚肉呢，勝在夠近，執您一劑先。個湯底好淡口喎，雞粉開的嗎？淡如水，味道好鬼單調而且好水汪汪，買返公司食所以無任何調味料係手呢，陰功 ﹗剛才只係落左少少胡椒粉同少少辣椒油乍。魚肉毫無生氣，死實既質地沒有靈魂 ﹗無鮮味無甜味，一試無妨。牛肚牛柏葉貢丸鴛鴦多辣加腩汁，民康用既係香辣咖哩黎，所以就算要勁辣都只係一般程度。咖喱汁都幾香架，有別於一般餐茶廳，好明顯係自家調製，食得過的滿意。牛肚，金錢肚黎架喎，有料 ﹗爽彈而滷水味強。貢丸完全無菇味而且質感都幾粗糙，滿口都是麵粉了 ﹗牛栢葉，怪怪的，真係唔多掂，完全係無味架喎，質地幾搞笑，爽口到索索聲，但無味道，落左哥士的？幼麵麵質好正，烚到剛好嚥嚥韌韌有咬勁，拉麵我都係要食超硬麵架。河粉烚太耐，都未至於散開，免強合格啦。點可以同幼麵一齊烚架？溫度同時間都唔同。價錢真係勁平超值，跟發記車仔麵
其實琴晚食完宵夜，朝早都仲飽緊，但照樣食早餐。今朝食左個三餸巨型三文治，依家都幾飽下，又唔知食咩好，是但係樓下食碗車仔麵算囉。對左姨姨同叔叔都六年幾七年喇，一向都覺得佢地好有禮貌、招乎周到、服務殷勤，真係 Very Good 架 ﹗
生菜魚肉，搵勻幾條街只得一間生菜魚肉呢，勝在夠近，執您一劑先。個湯底好淡口喎，雞粉開的嗎？淡如水，味道好鬼單調而且好水汪汪，買返公司食所以無任何調味料係手呢，陰功 ﹗剛才只係落左少少胡椒粉同少少辣椒油乍。魚肉毫無生氣，死實既質地沒有靈魂 ﹗無鮮味無甜味，一試無妨。
牛肚牛柏葉貢丸鴛鴦多辣加腩汁，民康用既係香辣咖哩黎，所以就算要勁辣都只係一般程度。咖喱汁都幾香架，有別於一般餐茶廳，好明顯係自家調製，食得過的滿意。牛肚，金錢肚黎架喎，有料 ﹗爽彈而滷水味強。貢丸完全無菇味而且質感都幾粗糙，滿口都是麵粉了 ﹗牛栢葉，怪怪的，真係唔多掂，完全係無味架喎，質地幾搞笑，爽口到索索聲，但無味道，落左哥士的？幼麵麵質好正，烚到剛好嚥嚥韌韌有咬勁，拉麵我都係要食超硬麵架。河粉烚太耐，都未至於散開，免強合格啦。點可以同幼麵一齊烚架？溫度同時間都唔同。價錢真係勁平超值，跟發記車仔麵比較平好多，依碗都只係廿六蚊乍 ﹗就算我去燦記飲個菜湯都要三十五蚊呀 ﹗
豬紅牛肚滷水雞中翼鴛鴦多辣加腩汁，嘩 ﹗只需廿十蚊乍，真係好抵食喎，一定飽，仲要有質數添，難怪日日 lunch 排長龍啦 ﹗咖哩汁夠香濃又屬微辣，撈麵撈河都好好味呢 ﹗要諗吓計點樣可以再辣啲先得，下次試試少湯先。幼麵夠嚥韌彈牙，大量咖哩汁掛係每絲麵條上面，好索汁呢 ﹗正啊 ﹗但今日既河粉烚到過晒火，太過腍仲要有部份散晒添，要用羮食囉。豬紅熱辣辣又夠嫩滑，牛肚依舊爽甜味美，雞中雞就大點浸得過腍過耐喇，質質鬆散帶霉，而且有點偏咸呢。
牛肚水魷腸仔鴛鴦多辣，民康既咖哩汁真係唔錯，雖然微辣但好香噃，越撈越起勁 ﹗水魷質感真係好有趣，天生的嗎？非常爽脆又彈彈的，彈到我成件衫都係咖喱汁喇，唔會係我手震掛？雖然機乎沒有任何味道，不過好采有自家咖哩汁搭救呢，變成咖哩魷魚。牛肚，依舊金錢肚，有質數，濃味爽彈高質數。腸仔並唔係大陸怪味腸已好滿意，正常。鴛鴦麵彈粉滑，仲想點？每一口都可以品嚐到兩種質感，真係超正 ﹗掛上香辣咖喱汁同吃，份外惹味開胃 ﹗
牛腩豬紅雞中翼鴛鴦多辣，又係牛腩碎、牛腩邊、牛腩皮，又乾又鞋唔好食架呢，雖然大部份車仔麵檔都係依隻出品。食過無數間車仔麵既牛腩，到目前為止只有西貢松記供應原件高質牛腩，並唔係碎濕濕牛腩碎囉。豬紅外脆內嫩兼味濃，一咬爆漿，汁液緩緩流出，滋潤每一顆味蕾。雞中翼始終如一地浸到過晒火搞到肉質過腍、肉汁流失，而且太咸呢，賣相就一流喇。今次咖哩汁好夠辣喎，重手左非常冶味 ﹗用幼麵搚持住河粉雙雙進入黑洞，熱辣辣棉滑河粉索盡湯汁，嚥韌幼麵掛著洶湧咖哩汁，美味致極，再夾埋豬紅齊齊食，此味只應天上有 ﹗好好食啊 ﹗
豬皮牛柏葉牛肚鴛鴦走蔥多辣，甚少叫豬皮食，因為怕佢又硬又有油益味，不過今次見佢咁靚女，就試一試啦。咖哩豬皮好好味呢 ﹗非常爽口又夠軟棉，湯汁及咖哩已填滿所有房間，成片啪入口一咬，十足灌湯既感覺。牛柏葉保持住佢搞笑既質感及零味道，咬都索索聲夠過癮。牛肚，金錢肚絕對無得輸啦，勁爽口又索味。但我覺得毛肚如果炆得夠腍都唔輸蝕，棉滑到不得了，重要吸湯能力超強，海棉一樣。豬皮煮得夠棉滑，可以用河粉麵幼捲住佢一齊食呢 ﹗3 重享受，3 種味道同質感，好食都暈 ﹗不過都要粉麵煮得好先得既。
白蘿蔔豬紅魚片莜麵走蔥多辣，我本來叫幼麵，但嬸嬸煮左莜麵比我，無所謂，一切隨緣吧，還掂好耐無食過莜麵喇。好嚥韌好滑溜，食落有種好香口既味道，配上咖哩汁都唔錯，但掛湯來就無幼麵來得那麼狠喇。白蘿蔔，清水烚，帶酸而不甜，仲有少少渣呢。豬紅一向都係穩陣之選，味濃而嫩滑 juciy，一咬爆汁。魚片第一次試食，不過不失，有魚味又無過咸，微彈合格。
紅腸豬紅牛肚鴛鴦走蔥多辣，鐵三角穩陣之選，紅腸、豬紅、牛肚邊有得輸呀，因為全部大路野囉，哈哈 ﹗玫瑰紅腸外皮脆卜卜，棉棉腸肉咸香合格。金錢牛肚爽夾滑又入味，豬紅大路嫩滑多汁，不腥不硬不鞋，好味！河粉擁抱著幼麵結伴跳入肚裡，嚥韌軟棉滑溜同一時間出現，多層次又特別，配埋香辣咖哩汁無可匹敵。
牛腩雲吞鴛鴦多辣走蔥，我唔敢喇，又係牛腩碎呢，發記同民康一樣。豬肉雲吞，皮滑肉味濃，一口的骰容易食。粉麵烚得滿意，軟硬棉滑合體，多重口感複雜而有驚喜！咖哩香辣更添風味。真係勁平呀，廿幾蚊邊度搵呀，一定飽添！
水魷牛肚雞中翼鴛鴦多辣，雞中翼太咸了，肉質又浸到霉晒，麻麻。水魷好脆口得意，卜卜脆好過癮，雖然無味，不過有咖哩無投訴啦。招牌金錢牛肚，爽夾滑，味濃重口味我喜歡，伴埋咖哩更香甜。麵條包著河粉跣入口，棉滑中帶點彈牙嚥韌，口感奇趣而吸引而神秘！所以由細到大都好鍾意食鴛鴦，情意結極深！
Post
