Video
Read full review
2017-05-30
488 views
難得放平日，就約朋友食個悠閒午餐，同佢補祝生日。本想到一間意大利餐廳食下手造意粉，可太多人，就到附近睇下有冇alternative。友人話黎嘅時候見到呢間Darcy & Liz 感覺唔錯，menu睇落都好對辦，我就快速睇下之前d食客黎影嘅相，都覺得可以一試就坐低喇。侍者好快就奉上一盤四個迷你牛角包，齋睇賣相已經好靚，包身好鬆脆，內裡有罌粟籽，上面就鋪左芝麻同埋果仁碎，食起黎好香口呀，如果喺bakery賣應該會好受歡迎。我愛飲湯水，見到前菜有番紅花魚湯，就揀呢個啦。湯好清澈，有淡淡嘅魚鮮，似媽媽嘅自家湯水，很適合夏天飲。主菜我同友人都揀左要加錢嘅燒伊比利亞豬扒，但店家話剩返一份，話主廚提議其中一份轉豬肋嘅部份，我覺得一試無妨，就去碼啦，要了七成熟嘅。嘩，一將多肉同骨排嘅部份輕輕切開，d肉汁就不住咁走出黎喇！大啖食落去滿口肉香，好滿足呀！其實我之前好鍾意Limehouse嘅豬扒，好可惜餐廳已經結業，依家終於搵到另一個好地方喇！塊肉曬左少少胡椒就咁食已經好好味，但點d伴碟嘅汁都唔錯(sorry我唔記得左係咩汁，但好creamy好香嘅，我仲用左佢黎點西蘭花同椰菜花）。旁邊嘅紅蘿蔔切成一粒粒，應
本想到一間意大利餐廳食下手造意粉，可太多人，就到附近睇下有冇alternative。友人話黎嘅時候見到呢間Darcy & Liz 感覺唔錯，menu睇落都好對辦，我就快速睇下之前d食客黎影嘅相，都覺得可以一試就坐低喇。
侍者好快就奉上一盤四個迷你牛角包，齋睇賣相已經好靚，包身好鬆脆，內裡有罌粟籽，上面就鋪左芝麻同埋果仁碎，食起黎好香口呀，如果喺bakery賣應該會好受歡迎。
我愛飲湯水，見到前菜有番紅花魚湯，就揀呢個啦。湯好清澈，有淡淡嘅魚鮮，似媽媽嘅自家湯水，很適合夏天飲。
主菜我同友人都揀左要加錢嘅燒伊比利亞豬扒，但店家話剩返一份，話主廚提議其中一份轉豬肋嘅部份，我覺得一試無妨，就去碼啦，要了七成熟嘅。嘩，一將多肉同骨排嘅部份輕輕切開，d肉汁就不住咁走出黎喇！大啖食落去滿口肉香，好滿足呀！其實我之前好鍾意Limehouse嘅豬扒，好可惜餐廳已經結業，依家終於搵到另一個好地方喇！塊肉曬左少少胡椒就咁食已經好好味，但點d伴碟嘅汁都唔錯(sorry我唔記得左係咩汁，但好creamy好香嘅，我仲用左佢黎點西蘭花同椰菜花）。旁邊嘅紅蘿蔔切成一粒粒，應該係用牛油煮過？好香甜，一d腥味都冇，粟米仔都新鮮爽甜。一邊啖啖肉，有d蔬菜balance下，感覺良好。
眼看甜品櫃入面都幾多選擇，就埋去睇下。最後揀左平日比較少見嘅熱情果焦糖燉蛋同埋薑汁奶凍。個燉蛋真係熱情果味泛濫，咬落去d熱情果籽卜卜脆！好香好醒胃呀！不過熱情果係霸道嘅，如果你鍾意蛋味濃嘅就食返傳統口味啦。至於奶凍都唔野小，食落有薑汁嘅清香，但唔辣，夠晒香滑，上面一小撮cream好light，我好鍾意呀！
呢間餐廳無論食材同味道都一流，價錢都好合理，我一定會再黎！不過座位唔多，我估book定位會好d~
餐前迷你牛角包
32 views
0 likes
0 comments
番紅花魚湯
35 views
0 likes
0 comments
燒伊比利亞豬肋
23 views
0 likes
0 comments
熱情果焦糖燉蛋、薑汁奶凍
32 views
0 likes
0 comments
Post
