Video
Read full review
2010-07-08
117 views
上星期師傅唔知發起咩神經, 竟然想喺放飯時去食碗魚蛋粉, 何解食碗魚蛋粉又會發神經呢? 其實係師傅心知呢區冇邊幾間嘅魚蛋粉係好味, 加上一碗魚蛋粉份量太少, 食一碗師傅又點夠飽, 但食多碗又好似唔抵喎, 你話仲唔係發神經咩?直到出發前師傅內心仍然十分掙扎, 最後還是決定去發下神經, 師傅記得呢度有間粉麵食店, 加上又未黎過, 就決定入去試一試! 入到去食店, 店內都幾細, 伙計見師傅一個人就拿拿聲叫師傅撘枱, 驚死師傅亂咁坐; 坐底後第一時間望下個餐牌, 其實望黎都多餘, 最想係望下幾多錢一碗啫!師傅是次揀左魚蛋麵, 落完單就當然要等下啦; 於是師傅四圍望, 靚女就望唔到喇, 但就望到好大個牌寫住 “即日現場手唧魚蛋保証100/100純鮮肉魚制造, 絕無添加, 日日新鮮”, 師傅心諗今次冇死喇, 再望下個枱上, 一碗熱騰騰嘅魚蛋麵就喺師傅面前, 於是第一時間試下個湯底, 湯底幾清冇鹼水味, 但未道頗咸, 湯底唔多吸引; 至於麵身亦算爽口, 爽口得黎唔夠彈牙, 勝在冇鹼水味, 整體算合格, 但師傅始終覺得全蛋麵好味好多; 而魚蛋有四小粒, 炸魚片亦有三片, 魚蛋形狀不規則, 大小亦不一,
直到出發前師傅內心仍然十分掙扎, 最後還是決定去發下神經, 師傅記得呢度有間粉麵食店, 加上又未黎過, 就決定入去試一試! 入到去食店, 店內都幾細, 伙計見師傅一個人就拿拿聲叫師傅撘枱, 驚死師傅亂咁坐; 坐底後第一時間望下個餐牌, 其實望黎都多餘, 最想係望下幾多錢一碗啫!
師傅是次揀左魚蛋麵, 落完單就當然要等下啦; 於是師傅四圍望, 靚女就望唔到喇, 但就望到好大個牌寫住 “即日現場手唧魚蛋保証100/100純鮮肉魚制造, 絕無添加, 日日新鮮”, 師傅心諗今次冇死喇, 再望下個枱上, 一碗熱騰騰嘅魚蛋麵就喺師傅面前, 於是第一時間試下個湯底, 湯底幾清冇鹼水味, 但未道頗咸, 湯底唔多吸引; 至於麵身亦算爽口, 爽口得黎唔夠彈牙, 勝在冇鹼水味, 整體算合格, 但師傅始終覺得全蛋麵好味好多; 而魚蛋有四小粒, 炸魚片亦有三片, 魚蛋形狀不規則, 大小亦不一, 似乎真係用手唧喎, 魚蛋入口爽口彈牙, 口感不錯, 可惜魚蛋有碎骨, 扣少少分啦; 而炸魚片亦甚爽口, 可以啦!
總括黎講食物水準合格, 但未算出色, 環境地方清潔, 服務就普通, 價錢係廿蚊一碗魚蛋麵, 冇野飲冇油菜, 絕對唔算抵食; 雖然魚蛋麵嘅份量相比起麥奀都算大碗好多, 但師傅成碗魚蛋麵食晒而唔飽仍屬意料中事, 所以是日師傅絕對係發神經; 相信師傅再黎機會不, 除非又顛多次啦, 是次笑臉未能一比!
Post
