味口福 (Closed)

今次係外賣速遞，唔係餐廳入面食，我睇返其他人的食評，覺得有必要下次要直接到餐廳食，可能有加分的可能性係餐廳入面先品嚐到。一個餐，有個自選包，有沙律/薯條，仲有飲品，都係40幾蚊，一個字:平！沙律係雜果沙律，沙律醬有點過多，唔係好食到原本各種雜果的味道，變曬沙律醬味。熱朱古力，回來後有放回微波爐加熱，都幾好，朱古力味足夠(朱古力粉沖的比例ok)不過有d太甜，當日無提供糖可能係因為店鋪落左，甜度呢d好個人口味，對我來說是太甜了。牛肉漢堡，都係一樣整熱返，好食的，欣賞個醬，好香！以cp值來說真係幾好的！小食拼盆，有炸魚，薯角，炸洋蔥圈，芝士薯波，炸雞全翼。有茄汁和沙律醬跟，我諗係因為有個炸魚所以跟沙律醬，呢方面睇到呢間野幾細心。個芝士薯波好食！佢的炸野粉薄，除左雞翼有少少炸過左龍(雞翼尖同雞鎚位炸乾曬)，其他都炸得剛好，其他唔評論，唔係因為太差，係因為我外賣炸物，如果就呢次表現評論實在唔公平，有機會即場食再評。總結: 睇完別人的評分，覺得外賣實在太大差別，今次先比個中立d的分，下次再到店食，到時再評分吧。