神石燒牛扒專門店 (碧街) (Closed)

今日去咗食好西，就係非常邪惡嘅燒肉啦！神石燒牛扒專門店主打傳統石燒，牛肉非常之高質，係受大眾喜愛啲熱門燒肉店之一！夏日限定✨檸檬塩糀牛舌及牛五花盛合✨檸檬塩糀令到牛舌同牛五花非常清新，牛舌同牛五花本身帶有較多油脂，燒完之後檸檬嘅香味令到油脂咁大大降低，我仲鍾意加少少檸檬汁上去食！另外佢都有好多蒜蓉喺上面，非常惹味！估唔到蒜蓉同埋檸檬嘅配搭係咁夾加係牛舌同牛五花上面！自助區(任食的)見到有大量沙律菜、新鮮又爽脆，但我淨係鐘意粟米，所以整左個粟米杯，勁甜！仲見到有珍珠米同紫菜芝麻，自製左一個牛角飯！除咗沙律同埋飯之餘仲有兩款湯可以飲添！