Video
Read full review
2022-06-09
1363 views
呢間餐廳喺尖沙咀已經開咗超過20年， 店面好大而且充滿時代感 ，每晚都一定有日本熟客幫襯， 而且好多店員都識得講日文 ， 能夠同客人打成一片，令我都覺得好似去咗日本旅行咁🤭。 ❤前菜前菜係一細碟嘅中華沙律，沙律入邊啲芝麻味好香。 ❤雜錦魚生（上）個拼盤擺盤真係冇得輸，擺得非常之靚，好適合打卡🤩 。 刺身嘅種類亦都好多，有三文魚、吞拿魚、油甘魚、 帶子 、魷魚、海膽同甜蝦 。 所有刺身都好鮮甜，聽講全部都係日本飛機貨嚟嘅😮。吞拿魚刺身特別好味，同平時果d唔一樣，質感比三文魚柔軟好多， 令我終於明白點解日本人係中意食吞拿魚刺身多過三文魚😆。帶子刺身肉質飽滿，刺身中間夾住青檸片， 青檸片 令到帶子刺身嘅味道更加清新。而油甘魚刺身一樣係咁軟熟鮮味。另外，海膽亦都好大舊好份量好足。 ❤ 雞泡魚乾雞泡魚乾咬落去煙煙韌韌， 點埋蛋黃醬令到味道更加豐富，加上上面有少少七味粉， 少少辣咁樣更加 開胃，係一款好適合送酒嘅小食。 ❤ 洋蔥沙律 呢個洋蔥沙律喺其他餐廳真係未食過 。沙律係滿滿一碗，上面鋪滿咗木魚，d木魚好似唔洗錢咁， 全部都好大塊， 而且比一般餐廳嘅木魚片厚好多。 木魚下面就係大量嘅洋蔥， 冰
❤前菜
前菜係一細碟嘅中華沙律，沙律入邊啲芝麻味好香。
❤雜錦魚生（上）
個拼盤擺盤真係冇得輸，擺得非常之靚，好適合打卡🤩 。 刺身嘅種類亦都好多，有三文魚、吞拿魚、油甘魚、 帶子 、魷魚、海膽同甜蝦 。 所有刺身都好鮮甜，聽講全部都係日本飛機貨嚟嘅😮。
吞拿魚刺身特別好味，同平時果d唔一樣，質感比三文魚柔軟好多， 令我終於明白點解日本人係中意食吞拿魚刺身多過三文魚😆。
帶子刺身肉質飽滿，刺身中間夾住青檸片， 青檸片 令到帶子刺身嘅味道更加清新。而油甘魚刺身一樣係咁軟熟鮮味。另外，海膽亦都好大舊好份量好足。
❤ 雞泡魚乾
雞泡魚乾咬落去煙煙韌韌， 點埋蛋黃醬令到味道更加豐富，加上上面有少少七味粉， 少少辣咁樣更加 開胃，係一款好適合送酒嘅小食。
❤ 洋蔥沙律
呢個洋蔥沙律喺其他餐廳真係未食過 。沙律係滿滿一碗，上面鋪滿咗木魚，d木魚好似唔洗錢咁， 全部都好大塊， 而且比一般餐廳嘅木魚片厚好多。 木魚下面就係大量嘅洋蔥， 冰凍嘅洋蔥加埋有紫蘇葉味道嘅微酸醬汁，真係好開胃。
❤ 牛肉薯餅
牛肉薯餅外脆內軟，非常之有薯仔香味，點左蛋黃醬層次更加分明， 另外仲有豬扒醬，豬扒醬點落去真係令到成個牛肉薯餅嘅味道更加濃郁。
❤ 日式雪菜炒飯
呢款日式雪菜炒飯又係喺其他餐廳未試過嘅 。 比起上海嘅雪菜炒飯，日式雪菜炒飯冇咁油膩，而且雪菜有少少酸咪咪嘅味道，另外飯粒裏面混和咗好多白芝麻，每一啖都可以食到芝麻嘅香味， 係好特別好出色嘅一款炒飯。
Post
