星怡

Open Now

Now Closed

去黃大仙朋友屋企，去左佢樓下嘅星怡食午餐，午飯時間，餐廳都坐滿晒街坊同附近返工嘅人。佢主要賣星加坡菜，亦都普通茶餐廳嘅食物，午餐有很多唔同套餐㨂，價格又實惠，唔怪得之咁多人來食飯。我哋叫咗兩個午餐及一些小食，午餐有送飲品。新加坡胡椒肉骨茶配飯肉骨茶除咗有排骨，仲有豆卜、冬菇及蒜頭等，材料豐富，而且胡椒味很重，鍾意食胡椒肉骨茶嘅人一定要試，排骨又入味，還有配上油炸鬼，真係又抵食又好食。新加坡咖喱牛腩飯牛腩同薯仔都炆得很腍，再配上惹味嘅咖喱，真係可以食到幾碗飯。手工炸蝦餅蝦餅非常之香脆，脆卜卜嘅外皮配上彈牙嘅蝦膠，蝦膠混合咗其他香料，味道啱啱好，配上泰式酸甜醬，酸酸甜甜很好食。油菜正常發揮，灼得啱啱好。班蘭水晶球水晶球充滿班蘭味，甜到啱啱好，係一個不錯嘅甜品。