Video
Read full review
2022-09-04
275 views
星期六搭船過咗港島東嗰邊行逛散步，夜晚依然好熱☀️，所以無去東大街掃街，而係去咗形薈搵食。之前嚟過呢個商場，知道有唔少餐廳，呢晚就幫襯咗位處地下嘅「一家」。雖然唔係成日行經，但我對餐廳印象深刻，皆因記得佢嘅裝修好靚。從門外已經略為感受到中式復古風格🏮，室內環境更加矚目，令人忍唔住打卡。除咗我之外，相中遠處嘅情侶亦自拍緊😆。餐牌設計亦同樣精緻，菜式種類繁多，每樣都好吸引，令人花多眼亂👀。由於太熱，胃口一般，所以點嘅菜式較為清淡，而幸好食物出品亦能符合期望。小籠包($50/4件)，食得上海菜當然唔少得小籠包🥢，小籠包新鮮熱辣蒸起，無得輸。我認為好食嘅小籠包係要皮薄餡靚，但外皮唔應該咁易穿，需要承托住入面嘅肉汁。餐廳嘅出品完全達標！整得好食嘅話，基本上原味勝過晒一齊其他口味，就好似呢件咁😋。臭豆腐($78)，朋友見到臭豆腐即刻勁興奮話要食🙈，我本身就唔太感興趣。出奇地臭豆腐唔太「臭」喎，味道無想像中濃郁，亦唔似街頭小食嗰浸味，不過食落堅係聞到豆腐經發酵嘅味道。豆腐外皮炸至酥脆，而入面就有啲似豆卜嘅口感，配甜醬同辣醬食好夾。白玉蒸蝦球($128)，白玉其實係指蒸蛋白🥚，口感順滑。蛋白面頭放置咗四
星期六搭船過咗港島東嗰邊行逛散步，夜晚依然好熱☀️，所以無去東大街掃街，而係去咗形薈搵食。之前嚟過呢個商場，知道有唔少餐廳，呢晚就幫襯咗位處地下嘅「一家」。
雖然唔係成日行經，但我對餐廳印象深刻，皆因記得佢嘅裝修好靚。從門外已經略為感受到中式復古風格🏮，室內環境更加矚目，令人忍唔住打卡。除咗我之外，相中遠處嘅情侶亦自拍緊😆。
餐牌設計亦同樣精緻，菜式種類繁多，每樣都好吸引，令人花多眼亂👀。由於太熱，胃口一般，所以點嘅菜式較為清淡，而幸好食物出品亦能符合期望。
小籠包
$50
14 views
0 likes
0 comments
臭豆腐
$78
15 views
0 likes
0 comments
白玉蒸蝦球
$128
19 views
0 likes
0 comments
韮菜鍋貼($50)，煎鍋貼一客有五隻🥟，口味有四款選擇。呢日想轉轉口味，竟然陪朋友食咗韭菜餃(平日唔食)🌿。餃子類似日式煎法，底部連埋一齊，脆卜卜。餃皮厚薄適中，煎至脆身唔油膩，咬開肉餡同小籠包一樣爆晒汁，韭菜難得的清甜。
缸鴨狗玫瑰桂花湯丸($45)，最後當然唔少得甜品。店員一放低碗就散發住好香嘅玫瑰味🌹，而視覺效果亦因花瓣變得美艷，食落糯米酒香濃郁，湯丸渾圓，芝麻口感流沙🖤。
飲品方面，餐廳有自家製作茶飲部「家茶」🍹，款式五花八門，名稱好盞鬼。我哋要咗嬌滴滴姪女($40)同埋紅卜卜堂妹($34)，兩杯都大大杯，抵飲，而且冰涼消暑解渴。🍓堂妹係由士多啤梨、荔枝同紅莓組成，粉紅系少女味爆登，同埋唔似藥水，因為草莓拼荔枝好多時都會中伏。姪女就係芒果奶蓋茉莉花茶🥭，芒果肉唔酸，同茶底幾夾。最重要係兩杯都唔太甜。
總括嚟講，小店嘅食物出品有水準，🇨🇳上海菜口味正宗，濃淡得宜，亦估唔到佢夠膽賣臭豆腐呢啲重口味嘢，不過拿捏得非常好！最後，店員們嘅服務態度專業，老闆娘親切有禮，主動關心客人對食物嘅意見。呢度唔止得打卡裝修，仲有高質素美食，令人滿意👍😊。
Post
