Mr.W 即烘蛋糕

Open Now

Now Closed

又有段時間無食古早蛋糕喇，每隔一陣我就會癮起😛。呢日喺天后做完嘢，未夠鐘食飯，喺附近行吓之際見到「Mr.W即烘蛋糕」。唔係連鎖店喎，門面又幾光鮮，我就決定整返件！女店員好友善，係咁話唔買都試吓，無所謂㗎🙈。佢介紹蛋糕每日新鮮製造，工場就喺舖後面。呢度嘅蛋糕口味唔多，得四款，不過就係為香港人而設🇭🇰。本身好猶豫買邊款好，但店員話可以要半半，咁即係一次過買兩盒就已經可食哂四款口味。無花果蛋糕($75)，幾款之中我最鍾意就係無花果🌸。蛋糕入面包含咗無花果肉同果籽，口感好得意，因為咬到脆粒，爽爽的，而無花果浸味亦好香。唔講唔知，無花果嘅營養價值好高㗎，係健康之選。棗蓉蛋糕($75)，棗蓉味亦係小店嘅招牌，紅棗味好出，中間放咗棗肉，食落感覺幾有中式糕點嘅味道，頗特別的☺️。冬天食佢就最適合不過！原味鮮奶蛋糕($60)，原味蛋糕幾時都唔會令人失望，皆因原汁原味最食到蛋香🥚。呢款嘅質感亦係當中最順滑，落咗奶果然唔同啲🥛。紅豆夾心蛋糕($80)，佢其實係原味嘅進化版，底部加咗一層紅豆餡。紅豆軟硬適中，個人認為維持豆狀好過搓成蓉，咁樣會無咁笠同濕😎。四款蛋糕嘅共通點係口感鬆軟，味道亦無過甜，所以食完唔會口