Peek-A-Poke (heath慶方)

Open Now

Now Closed

有一日同事問我：有冇食過夏威夷菜？？🤔🤔咁講真又真係未食過～直頭聽都未聽過…😅佢話夏威夷菜叫做poke bowl 🥙,其實即係素食或者健康飲食嘅一個類別，原來重慶森林樓下「慶方」開咗一間，問我試唔試～本住「有食唔食，罪大惡極…」嘅精神，梗係奉陪啦！！行落去「慶方」先發現原來都有好多食肆舖仔，直行唔夠廿步就見到呢間Peek-A-Poke，真係有個poke🤭🤭😅🤣🥙喎～佢個menu有啲set好咗嘅特色風味碗，以三文魚或者吞拿魚刺身作為主菜，跟住配搭唔同嘅醬汁（都有成六款咁多…），或者你可以自選，雙拼都得。自選就可以自己揀三款餸，可以揀跟壽司飯、珍珠糙米、沙律菜，又或者雙拼，總之選擇千變萬化！！我哋叫咗一個「加州風味」，再加一個「雙拼自選」吞拿魚同八爪魚，跟豆腐、香菇、木魚絲同蟹子～嘩！！真係估唔到咁大碟㗎！！😱我哋兩個女人仔，真係要非常努力～🙏🏻💪🏻因為我哋仲嗌咗炸雞同牛油果豆腐～係呀😅係牛油果豆腐呀🤭🤭真係聽到未聽過，但係配埋紫菜絲同木魚絲，再加個鰹魚醬汁，口感十分清新！🥰😘喜愛素食或者清簡飲食嘅人一定中意！