茶理史 (Closed)

呢間茶理史非常多分店，我今日都係第一次試，每次經過都見到好多人，今日喺旺角中心行街，行到一半見到竟然冇人，加上行咗咁耐都已經口渴又有少少肚餓，所以忍唔住去幫襯一下。好有中國風嘅格調，文字都係用書法。鋪頭外面仲張貼左好多好評，另外仲有推廣佢哋嘅網頁。草莓鮮乳地瓜小芋圓$32飲品嘅漸層做得非常靚，明顯地睇得出草莓🍓鮮牛奶🥛地瓜小芋圓，三種不同類型。鮮奶非常香濃加上草莓嘅味道真係絕配，地瓜小芋圓口感比較特別，偏淋身， 有地瓜嘅味道，又唔會好大粒卡住飲筒，煙煙韌韌，又真係幾得意喎！飲完一杯解渴得黎，開始有啲飽肚，又充滿力量去行街。下次叫第二杯野都要加呢個地瓜小芋圓～因為我真係好鍾意呢個口感～