呦呦鹿鳴布丁燒 (希雲大廈)

Open Now

Now Closed

喺銅鑼灣搵食期間咁啱經開呢個位，喺舖出面望入去已經有d被吸引，再喺openrice睇睇評價，作為甜品控決定試一試佢。布丁燒同焦糖布丁唔同嘅地方，係佢仲多左一層日式芝士蛋糕，唔好睇小呢層蛋糕，佢令到成個布丁燒口感多元化左、亦中和左焦糖嘅甜度。猶豫左一陣究竟試咩味好，最終揀左招牌椰青味「椰爺布丁燒」。結果係無揀錯嘅！布丁帶有好香嘅椰香味，再加埋焦糖同埋芝士蛋糕，唔會太甜、入口又有芝士蛋糕嘅棉棉口感，變左三重味覺享受。比起單食焦糖布丁口感豐富，當然呢個分別亦都反映左喺價錢上。以$38/個嚟講，性價比唔算高，係好食，但未到唔可以錯過嘅level。值得一讚嘅係店員，除左提供番碟同匙，仲一再提醒倒出嚟之前輕輕搖，直至焦糖擴散至杯邊。其實我完全無留意到佢嘅食法，如果佢唔提我真係會就咁就倒出嚟，所以呢度要加分。