Cafe Idea (Closed)

今日去左令我心情爆棚既餐廳。到依家都未平復到個心情。餐廳好靚，冇想像中咁嘈，貓仔一定住得好舒服。一入去已經見到幾隻貓仔霸氣行黎行去。真係好鬼死得意。有隻仲訓到隻豬咁。餐單都有簡單介紹貓仔，可惜冇得買翻屋企。叫左個德國炸豬手黎食。真係估唔到cafe都有呢啲食，正既。之前去好多cafe都係得意粉意飯，冇扒類食，呢度竟然有豬手。豬手終於上菜。份量大，豬皮炸得勁香脆，鍾意食豬皮個軟膠既口感，加埋蜜糖芥末，juicy既感覺又再上多一個層次。芥末重蜜糖味，好特別既味道，應該係自己調，調得易入口，成個豬手係cafe界入邊係高質既！前菜係泰式辣醬蝦，好惹味既蝦，酸酸辣辣，最緊要彈牙。發覺呢度都幾有創意。叫左個芒果乳酪消下暑，凍冰冰真係正。食完成個set已經好飽，但見到加多三十蚊有個岩漿吐司，同茶木比真係平佢十條街。即刻叫左黎食，順便慢慢奶貓。冇諗過呢個吐司咁大份量，原來呢個先係重點！真係同茶木份量差唔多，但價錢，味道好食好多。一切開，朱古力岩漿留曬出黎，好有心思的甜品。加埋朱古力雪糕一齊食，同埋望住啲貓霸氣咁行黎行去，今日我心情真係爆棚。朱古力雪糕同埋岩漿凍熱想溝，口感真係超級豐富！侍應見我好鍾意貓，