刕舙馫麵館 (Closed)

今日去左紅磡食lunch，經過刕舙馫麵館。見到餐廳名非常有趣，因為我無一個字識讀啊。lunch黎講價錢夠抵食，主打刀削麵，配上不同的餸菜，食落另有一番風味啦！本身想食牛肉，見到個個都叫口水雞，我都試下先。口水雞望落好辣好入味，係我鐘意既顏色！口水雞非常滑溜，無雪藏味，雞肉香嫩新鮮，雞肉沾上辣汁，香口辛香，花生吸哂辣汁。口水雞最重要醬汁，依度調得好出色，唔會死咸死辣！刀削麵我第一次食，麵條寬闊，唔會太厚太粉糰，掛上濃香湯汁非常清香，刀削麵口感好有咬口，食完都好飽肚滿足！