正宗雲貴川 (蘇杭街) (Closed)

平日最愛食譚仔三哥既三哥酸辣，可惜上環冇三哥，咁啱好想食米線喎，點算好呢，見到有間叫正宗雲貴川，應該都係食米線架啦，就入去試下啦。正宗雲貴川唔只有湯米線，仲有撈米線，好似幾特別咁喎，就要一份口水雞配涼拌米線啦。涼拌米線我叫左小小辣，所以唔係好辣，對我呢個唔係好食得辣既人黎講完全可以接受，食得辣既朋友一定要試下，因為佢既辣好惹味，加埋大豆牙、紅蘿蔔絲一齊食，口感一流。口水雞好好味呀，見到雞上面既辣椒粒都已經流哂口水，佢既口水汁有少少酸，加上麻辣，辣得好過癮。