Video
Read full review
2018-06-10
1040 views
一到夏天，胃口就麻麻地，午餐時間都唔知食咩至好。突然間醒起，斜路果度有間小餐廳係賣麻辣燙的，一於去果度食午餐啦。佢就好似平時食車仔麵咁，可以揀剩餸，又或者加個粉麵底。但係有最低消費，最少$30。我揀左米線做底，另外仲有豬紅、豬心、雞絲和年糕做配料。湯底就揀「少少辣」的麻辣湯。（湯底方面其實相當靈活，可以走麻、走辣，或者索性轉做酸辣湯底。）先品嚐一下個麻辣湯，少少辣少少麻，非常適合我這種唔太食得辣的人，而且咸味剛剛好，飲一啖感覺幾開胃。米線煮得夠軟滑；雞絲唔會撕得太幼，保留到有咬口，唔錯。豬紅和豬心這一類食材，一向都跟麻辣很夾，吸收少許麻辣味，再加豬紅的軟彈、豬心的爽口，真係一流再叫多個涼拌青瓜，青瓜新鮮、清甜爽脆，加上香蔥，蒜粒和麻油，香、脆、甜的味道，平衡了麻辣的感覺之外亦抵消飽滯感。不過這間餐廳的面積比較小，大概只有二十多個座位，所以繁忙時間都需要排隊等食。建議大家想試的話，選下午茶時段比較好。
佢就好似平時食車仔麵咁，可以揀剩餸，又或者加個粉麵底。但係有最低消費，最少$30。
我揀左米線做底，另外仲有豬紅、豬心、雞絲和年糕做配料。湯底就揀「少少辣」的麻辣湯。（湯底方面其實相當靈活，可以走麻、走辣，或者索性轉做酸辣湯底。）
先品嚐一下個麻辣湯，少少辣少少麻，非常適合我這種唔太食得辣的人，而且咸味剛剛好，飲一啖感覺幾開胃。
米線煮得夠軟滑；雞絲唔會撕得太幼，保留到有咬口，唔錯。
豬紅和豬心這一類食材，一向都跟麻辣很夾，吸收少許麻辣味，再加豬紅的軟彈、豬心的爽口，真係一流
再叫多個涼拌青瓜，青瓜新鮮、清甜爽脆，加上香蔥，蒜粒和麻油，香、脆、甜的味道，平衡了麻辣的感覺之外亦抵消飽滯感。
不過這間餐廳的面積比較小，大概只有二十多個座位，所以繁忙時間都需要排隊等食。建議大家想試的話，選下午茶時段比較好。
Post
