Video
Read full review
2018-11-06
1703 views
2018年11月4日。晴。尖沙咀。有時雖然無乜特別嘢要慶祝，但都會好想食個proper嘅西餐所以就揀咗呢間少少隱蔽，非常華麗嘅西餐廳餐廳喺金馬倫道中段嘅The Cameron 1樓一入到餐廳已經好鍾意，裝修典雅好有英倫風嘅感覺每枱都會有蠟燭，連玻璃水杯都好靚～～食物有多種選擇我哋唔想諗，就直接嗌咗二人餐要選擇嘅點就係牛扒要幾成熟，最啱有選擇困難人士餐包係多士來嘅，但原來唔係普通多士咁簡單食落有淡淡嘅香料味，鬆化好味～香芒蟹肉田園沙律蟹肉撈咗沙律醬，好creamy，配合沙律菜一齊食，口感同味道都好夾沙律菜仲有個醬汁撈咗，加埋香甜嘅芒果，非常醒胃黑松露野菌忌廉湯一上枱已經聞到好濃烈嘅黑松露味湯入面嘅野菌已經打碎咗，但唔會打到太幼細，令忌廉湯更濃稠，加強質感忌廉湯無俾忌廉味蓋過食材，而且鹹淡適中，好鍾意！烤特級新西蘭肉配紅酒燒汁（七成熟）牛扒下面有Brussels sprout（即係細粒椰菜仔）同車厘茄墊底側邊仲有一杯薯蓉牛扒啱啱好，切開入面仲有少少粉紅色質感軟滑，鮮嫩多汁食得出只係簡單調味，但牛扒本身已經好有鮮味滿足～～香草大蝦忌廉汁扁意粉大蝦真係好大隻，已然剝咗幾節嘅殼，自己只需要解決蝦
有時雖然無乜特別嘢要慶祝，但都會好想食個proper嘅西餐
所以就揀咗呢間少少隱蔽，非常華麗嘅西餐廳
餐廳喺金馬倫道中段嘅The Cameron 1樓
一入到餐廳已經好鍾意，裝修典雅好有英倫風嘅感覺
每枱都會有蠟燭，連玻璃水杯都好靚～～
食物有多種選擇
我哋唔想諗，就直接嗌咗二人餐要選擇嘅點就係牛扒要幾成熟，最啱有選擇困難人士
餐包係多士來嘅，但原來唔係普通多士咁簡單
食落有淡淡嘅香料味，鬆化好味～
香芒蟹肉田園沙律
36 views
0 likes
0 comments
香芒蟹肉田園沙律
蟹肉撈咗沙律醬，好creamy，配合沙律菜一齊食，口感同味道都好夾
沙律菜仲有個醬汁撈咗，加埋香甜嘅芒果，非常醒胃
黑松露野菌忌廉湯
35 views
0 likes
0 comments
黑松露野菌忌廉湯
一上枱已經聞到好濃烈嘅黑松露味
湯入面嘅野菌已經打碎咗，但唔會打到太幼細，令忌廉湯更濃稠，加強質感
忌廉湯無俾忌廉味蓋過食材，而且鹹淡適中，好鍾意！
烤特級新西蘭肉配紅酒燒汁
27 views
0 likes
0 comments
烤特級新西蘭肉配紅酒燒汁（七成熟）
牛扒下面有Brussels sprout（即係細粒椰菜仔）同車厘茄墊底
側邊仲有一杯薯蓉
牛扒啱啱好，切開入面仲有少少粉紅色
質感軟滑，鮮嫩多汁
食得出只係簡單調味，但牛扒本身已經好有鮮味
滿足～～
香草大蝦忌廉汁扁意粉
22 views
0 likes
0 comments
香草大蝦忌廉汁扁意粉
大蝦真係好大隻，已然剝咗幾節嘅殼，自己只需要解決蝦尾嗰節殼就可以食晒全隻大蝦
肉質彈牙，鮮味十足～
扁意粉更加出色，麵質彈牙有咬口，調味好平衡，唔會太濃味，仲要一啲都唔油膩
好味！！
餐飲可以揀咖啡或茶～
咖啡芳香濃郁～
甜品賣相滿分！係朱古力brownie，入面仲係好綿滑，唔會好似有啲brownie咁，足料得來硬到成舊磚咁
甜度都啱啱好，食晒都唔會覺得膩
仲有兩粒藍莓中和下啲甜味添～
總括來講，非常滿意～～
餐廳氣氛浪漫，感覺亦好適合各類型慶祝活動
一定會再來～～
Post
