友情歲月古惑仔漫畫主題冰室 (Closed)

呢間古惑仔漫畫主題冰室，個招牌真係好注目🤣 樓梯間嘅牆壁貼滿漫畫風嘅圖畫，就連吊燈都係漫畫黎，好有特色！一上到去餐廳，就見到有個3D版嘅古惑仔漫畫打卡位，裝修認真有心思丫😃 餐廳地方幾大，座位寬敞，舒適。行到最裏面仲有間大房，道門可以手調教做透明，私隱度高，好適合傾生意嘅地方💼 黑金烏鴉 $98呢個係黑松靈乳鴿，唔好睇佢個樣好得人驚咁，幾好味架🤣 隻乳鴿係正常程序用滷水醃味吊乾，然後再用黑松露醬上表面個一層，所以乳鴿變咗黑色，食落咸咸地，有淡淡黑松露味。幾特別嘅菜式🤣啫啫山雞煲 $88雞煲幾大份，上枱超級香！肉同骨嘅份量比例啱啱好。雞件醬汁豐富，好入味。生蕃魚茄子煲 $78熱辣辣嘅茄子煲用嚟送飯最好味😍 一大煲茄子炆得軟腍，勁惹味！水煮凌波魚 $98都係好大份～麻辣水煮魚香料豐富，麻辣味適中，魚肉一片片好軟嫩😋 細細粒泡泡 $108呢杯係雜果草莓馬天尼，杯酒上面起咗個泡泡，裏面仲有煙，好有趣丫🤣 酒精唔係好濃，易入口，都幾好飲😃地中海 $68呢杯係紫薯鮮奶，淺紫色好靚💜 上面有個簡單拉花，好有心😍 味道淡淡清香紫薯味加濃郁奶味👅 好飽滿😋