友情歲月古惑仔漫畫主題冰室 (Closed)

喺尖沙咀發覺咗一間好有特色嘅冰室！唔單止有港式風味 仲以上年連載完結嘅古惑仔漫畫為主題一入門口 就已經被有古惑仔漫畫風格嘅壁畫同燈畫包圍 令人仿如置身漫畫世界收銀處旁邊一角 就好似博物館咁展出咗好多古惑仔嘅物品 fans絕對不可錯過！餐牌同食物名都相當特別 充滿漫畫故事色彩 冰室仲有兩間佈置得好靚嘅vip房 坐喺入面食嘢就好似成為故事中嘅其中一個角色咁 好正！今次去食咗個下午茶 令我印象最深刻嘅就係陳浩南乳雞翼配包皮炸鮮奶🤣個名同食物賣相已經贏晒 外層用麵包皮炸得好酥脆 牛奶香相當濃郁 好好食❣除此之後 芝士焗迷你白菌雞肉意粉 同埋魚香茄子炆米都相當唔錯！意粉雞肉超多 好足料又夠味 茄子同米粉都炒得幾好 唔林幾乾身飲品方面 我哋叫咗我大佬係耶穌(黑芝麻鮮奶) 拉花好靚 飲落亦有芝麻香