Video
Read full review
2018-08-06
17368 views
由日落食到夜深，足足歎足三個鐘嘅自助晚餐，一邊欣賞維港嘅景色。 沙律吧每一款都好味，特別係羽衣甘藍雜莓沙律。 巴馬火腿，辣肉腸一般， 牛好食， 芝士質地軟滑。 蝦、龍蝦、蟹鉗唔太新鮮， 鱈場蟹新鮮鮮味。 麵包蟹極邪惡，好多膏。 魚生中嘅吞拿魚好鮮味，其他都一般。 燒牛肉好靭， 鯛魚啲肉好鞋。蒸蝦比生蝦好食，但係蒸扇貝同埋蒸青口都過咗火，老咗。鵝肝菠蘿多士必食，鵝肝煎到脆口，菠蘿酸酸地，多士又脆脆哋，絕配。魚都幾滑 海鮮批忌廉味濃厚， 但冇蓋過海鮮嘅味道。牛臉頰必試， 佢蚊得唔係全舊腍唒，仲有少少咬口，而且非常入味 。海皇燕窩羹一推出就俾人攞曬。燕窩蟹膏充足， 好鮮味。洋蔥湯唔會淡。鹿兒島牛好多筋，天婦羅太多脆漿。鮑魚燴豬手冇味，食唔到鮑魚甜品款式多到瀉，但唔係款款好食，有好多都太甜。甜品之王我覺得只有拿破崙係最好味，夠脆， 又唔羶，好香酥皮味，不過佢入面嗰啲cream就甜D，成舊食都可以接受嘅。左: 咖啡芭芙條 (我本身唔係好鍾意飲咖啡) 呢個咖啡味我接受到囉， cream又唔會太多右: 紅桑子蛋糕唔會酸又唔會太甜藍莓芝士蛋糕 芝士軟滑香濃芒果糯米飯都唔錯， 啲飯好煙韌， 芒果又唔會
由日落食到夜深，足足歎足三個鐘嘅自助晚餐，一邊欣賞維港嘅景色。
沙律吧每一款都好味，特別係羽衣甘藍雜莓沙律。
巴馬火腿，辣肉腸一般， 牛好食， 芝士質地軟滑。
蝦、龍蝦、蟹鉗唔太新鮮， 鱈場蟹新鮮鮮味。
麵包蟹極邪惡，好多膏。
魚生中嘅吞拿魚好鮮味，其他都一般。
燒牛肉好靭， 鯛魚啲肉好鞋。
蒸蝦比生蝦好食，但係蒸扇貝同埋蒸青口都過咗火，老咗。鵝肝菠蘿多士必食，鵝肝煎到脆口，菠蘿酸酸地，多士又脆脆哋，絕配。
魚都幾滑
海鮮批忌廉味濃厚， 但冇蓋過海鮮嘅味道。牛臉頰必試， 佢蚊得唔係全舊腍唒，仲有少少咬口，而且非常入味 。
海皇燕窩羹一推出就俾人攞曬。燕窩蟹膏充足， 好鮮味。
洋蔥湯唔會淡。
鹿兒島牛好多筋，天婦羅太多脆漿。
鮑魚燴豬手冇味，食唔到鮑魚
甜品款式多到瀉，但唔係款款好食，有好多都太甜。
甜品之王我覺得只有拿破崙係最好味，夠脆， 又唔羶，好香酥皮味，不過佢入面嗰啲cream就甜D，成舊食都可以接受嘅。
左: 咖啡芭芙條 (我本身唔係好鍾意飲咖啡) 呢個咖啡味我接受到囉， cream又唔會太多右: 紅桑子蛋糕唔會酸又唔會太甜
藍莓芝士蛋糕 芝士軟滑香濃
芒果糯米飯都唔錯， 啲飯好煙韌， 芒果又唔會太酸甜甜地加啲椰汁 好香。 
又一次俾我發現個班戟擺放於低過攞甜品嘅地方，今次我醒目咗喇! 我整咗一份加咗一個青檸雪葩，覺得佢有少少苦味，但係清一清個口都幾舒服。嗰班戟好香，蛋味重。
叮叮叮叮， 有個侍應係咁敲佢嗰個琴，就係要排隊攞梳乎厘啦! 梳乎厘整得唔錯㗎，好空氣感同埋好滑，個面燶燶哋好香。
Post
