稻埕飯店 (V Point) (Closed)

- 疫症期間，無得去台灣旅行，但又好掛住台灣古早味🥲。- 咁唯有食正宗台灣菜啦，今次就黎到銅鑼灣V Point既稻埕飯店！- 呢間餐廳連裝修都跟足台灣咁簡約，但同時又有啲精緻感覺，門口就好切合餐廳名，用左禾稻做裝飾！- 今次就試左滿滿骨膠原豬手、薑母黑麻油燉雞湯、胡椒三星蔥肉包同桂圓紅棗杞子芋圓湯圓，仲飲左黑糖珍珠奶蓋同時令水果茶。- 豬手超級入味，肉質又嫩滑又有彈性，真係滿滿骨膠原，連啲汁都充滿膠質！而且味道唔會太鹹，骨肉好容易分離，連我呢啲懶人都唔覺得好麻煩。- 今次係我初嘗薑母黑麻油燉雞湯，份量好多，成盅咁上，真係喜出望外！湯底好有黑麻油、薑同藥材味，飲完成個人暖笠笠，冬天飲就岩岩好！而且仲有好多雞，啲雞索哂麻油味，養生又暖胃，感覺仲好正宗。- 而胡椒三星蔥肉包，賣相好現代，三個包反轉放，仲有一層層薄既粉漿。包底帶啲金黃色，餡料有微微胡椒味，仲有啲肉汁添！- 黑糖珍珠奶蓋，奶蓋勁香濃，質地濃稠，珍珠好有黑糖味，煙煙韌韌咁。水果茶同正常一樣，唯一唔同係好多水果，連荔枝同火龍果都有！- 最後，用左桂圓紅棗杞子芋圓湯圓做結尾。呢碗糖水係熱既，湯圓有兩粒，都係芝麻流心餡，皮薄餡靚，有香濃