Andy's 烘焙坊

Open Now

Now Closed

經過媒體報道加持，呢間位於東大街標榜古早味製法嘅蛋糕舖，成日經過都見到佢實有人排隊，好好奇究竟佢有幾好食，前排咁啱經過見到就夠鐘有流心芝士味出爐，就決定排隊買來試吓。由排隊至成功買到手都用咗半個鐘以上，個流程係要排著隊等出爐，俾咗錢之後再等佢照單分味入盒，前面有位人客同個收銀爭拗緊，而到我嗰時本身唔鍾意食蛋糕邊嗰啲，所以好聲好氣咁問可唔可以要要中間嗰件，店員非常斬釘截鐵咁話「冇得揀！」，之後就局住要，諗住環保啲唔使要佢個紙袋&刀，唔記得咗佢講咗乜嘢之後就直接成袋俾我。其實都唔明點解呢間鋪頭嘅店員需要黑口黑面咁樣對客…真係已經好耐無遇過呢類古早味態度喇～講返件蛋糕其實係ok嘅，蛋糕質感鬆軟，有輕微蛋香，中間所謂嘅流心芝士其實唔會流嘅，係軟芝士嘅質地，值唔值呢個價錢就真係見仁見智。