有間本舖 (Closed)

今晚同阿女係旺角開完餐，行行下聞倒一陣蛋糕香味，原來*有間本鋪*嘅芝士蛋糕剛出爐，已經有人排緊隊比錢攞蛋糕。因為阿女鍾意食古早原味，所以我地就要等多5分鐘。鋪頭好貼心，係門口寫住咩味嘅蛋糕幾點會出爐。嘩，原味蛋糕終於出爐啦，香噴噴，店員好小心翼翼度好位，張舊蛋糕均等分成10份，件件大細一樣。返到屋企第一時間趁蛋糕仲係暖暖地，拿拿聲攞出黎食，打開個蛋糕盒，個蛋糕仲係咁靚仔，仍然香噴噴，入口鬆軟濕潤，甜度剛剛好，蛋味平平，唔會太濃郁，下次再經過一定會買其他味試下😋