Video
Read full review
2020-05-09
1084 views
早排興起食古早蛋糕，濃濃嘅蛋香配上鬆軟濕潤嘅口感，令人難以抗拒，同事更會專程到一間好出名嘅古早蛋糕店排隊，排完一底又再排下一底，非常瘋狂，令我都開始留意，但一直未有機會品嚐新鮮出爐嘅古早蛋糕，好在今晚經過熊貓酒店附近嘅呢間包餅店，被香噴噴嘅出爐蛋糕吸引到，於是入去一探究竟。舖頭外表簡陋，的確係毫不起眼，如果唔係被香氣吸引，平日都冇留意到原來呢度有間包餅店。一入店內就見到呢件巨型古早蛋糕，成個酒店豪華枕頭咁大，而且真係剛剛焗起，仲冒住煙！原味古早蛋糕$45，芝士味$60，價錢唔算平，但見到巨型嘅尺寸，就知道物有所值。除咗原味同芝士味之外，櫥窗入面仲有肉鬆同綠茶紅豆味，但望落就唔似係剛出爐，要食當然食最新鮮！最後我揀咗原味同芝士味各一件，店員非常好，俾我任揀，我當然揀咗件最肥美飽滿嘅，見佢拎起蛋糕放入盒，蛋糕仲係冒住煙，心情異常興奮！拎到返屋企蛋糕依然非常靚仔，摸落去仲係微暖，我同先生已經急不及待切開試下。原味蛋糕嘅蛋味非常香濃，好有空氣感，口感綿密，有啲似食緊日式蛋糕，入口帶少少濕潤嘅感覺，非常鬆軟美味。至於芝士味同樣鬆軟，面頭灑上大量芝士粉，香得嚟味道唔會掩蓋蛋香，好有水準。蛋糕中間仲
舖頭外表簡陋，的確係毫不起眼，如果唔係被香氣吸引，平日都冇留意到原來呢度有間包餅店。一入店內就見到呢件巨型古早蛋糕，成個酒店豪華枕頭咁大，而且真係剛剛焗起，仲冒住煙！
原味古早蛋糕$45，芝士味$60，價錢唔算平，但見到巨型嘅尺寸，就知道物有所值。
除咗原味同芝士味之外，櫥窗入面仲有肉鬆同綠茶紅豆味，但望落就唔似係剛出爐，要食當然食最新鮮！
最後我揀咗原味同芝士味各一件，店員非常好，俾我任揀，我當然揀咗件最肥美飽滿嘅，見佢拎起蛋糕放入盒，蛋糕仲係冒住煙，心情異常興奮！
拎到返屋企蛋糕依然非常靚仔，摸落去仲係微暖，我同先生已經急不及待切開試下。
古早燙麵蛋糕(原味)
$45
24 views
0 likes
0 comments
原味蛋糕嘅蛋味非常香濃，好有空氣感，口感綿密，有啲似食緊日式蛋糕，入口帶少少濕潤嘅感覺，非常鬆軟美味。
古早燙麵蛋糕(芝士味)
$60
29 views
0 likes
0 comments
至於芝士味同樣鬆軟，面頭灑上大量芝士粉，香得嚟味道唔會掩蓋蛋香，好有水準。
古早燙麵蛋糕(芝士味)
$60
21 views
0 likes
0 comments
古早蛋糕店開到成行成巿，但用心品味都會食得出分別，有時未必需要大排長龍先買得到好滋味，當然仲要靠少少運氣，畢竟新鮮出爐嘅蛋糕始終可遇不可求。
Post
