古月

Open Now

Now Closed

過開嚟北角搵食，聽說呢條北角巷仔有好多好野食，特登揀咗呢間新加坡菜，好似幾特別。平日嘅兩點嚟到，避開人潮，一入即刻有得食。叫咗個李先生咖喱雞同鴨鹵麵。我之前睇menu 時已經想試嘅咖央Roti 同埋三色奶茶。李先生咖喱雞，咖喱幾香，少少辣。辣度剛好，唔會蓋咗雞味。不過雞翼略嫌煮得太耐，係好入味但太淋。反而薯仔就可以再淋少少。我呢碗飯係少咗，因為我叫少飯。另外仲有鴨鹵麵。鴨嘅鹵水味足，不過就老咗啲。麵底份量ok，彈牙的。我幾喜歡食咖央，所以散叫都要試下咖央roti。咖央令薄餅面甜甜的，好似食嘅甜餅乾。我話佢係餅乾，因為佢唔係好多層好鬆化嗰啲印度薄餅，只係一兩層。最後係三色奶茶。味道雖然同馬來西亞飲嘅有啲差別，但係都算係好飲嘅。甜度比例係剛好，我覺得佢有遷就香港人而整得無咁甜。